З.БАТЦЭЦЭГ
Энэтхэгийн зохиолч Гитанжали Шри "Элсэн булш" бүтээлээрээ олон улсын утга зохиолын Букерийн шагнал хүртсэн талаар олон улсын хэвлэлүүд өнгөрсөн долоо хоногт мэдээлсэн.
Номын гол дүр нь нөхрөө нас барсны улмаас сэтгэлийн хямралд орсон 80 настай эмэгтэй юм. Охиныхоо үл ойлголцолтой тулгарсан настай эмэгтэй баяр баясгалангийн шинэ эх үүсвэр хайхаар Пакистаныг зорьдог.
"Элсэн булш" бол хинди хэлнээс орчуулагдсан бөгөөд нэр хүндтэй шагналыг хүртсэн анхны хинди ном юм. Орчуулагчаар АНУ-ын зураач, зохиолч Дэйзи Роквелл ажиллажээ.
Шүүгчдийн зөвлөлийн дарга, Ирландын орчуулагч Фрэнк Вин "Бид Дэйзи Роквеллийн өнгөлөг, сайхан орчуулсан, Гитанжали Шригийн роман "Элсэн булш"-ын хүч, мэдрэмж, хөгжилтэй байдал нь бидний сэтгэлийг хөдөлгөсөн" гэж тайлбарласан байна.
"Энэ бол залуу нас, эрэгтэй, эмэгтэй хүмүүс, гэр бүл, үндэстэн зэрэг нь ид шидэт эрч хүчтэй, догшин энэрэнгүй сэтгэлээр нягт уялдаа холбоотой байдаг Энэтхэг болон түүний хуваагдлын тухай гайхалтай роман юм" гэж тэрбээр дүгнэсэн байна.
Эх сурвалж: www.polit.mn
