З.БАТЦЭЦЭГ
Их Британийн Гадаад хэргийн сайд Лиз Трасс Хятадын үндэсний аюулгүй байдлын тухай хуулийн асуудлаар Хонгконгийн эцсийн давж заалдах шатны шүүхээс Британийн шүүгчдийг огцруулах шийдвэрийг дэмжлээ гэж Их Британийн Гадаад хэргийн яамнаас мэдэгдэв. Дээд шүүхийн ерөнхийлөгч, Шадар сайд, Лорд Канцлер нартай зөвлөлдсөний эцэст ийм шийдвэр гаргасан. "Гадаад хэргийн сайд Хонгконгийн эцсийн давж заалдах шатны шүүхээс Британийн шүүгчдийг эргүүлэн татахыг дэмжиж байна. Ерөнхий шүүгч, Шадар сайд, Лорд Канцлер нартай зөвлөлдсөний дараа Их Британийн шүүгчид Хонгконгийн дээд шүүхэд суух нь ухаалаг хэрэг биш гэж шийдсэн” гэж мэдэгдэлд дурджээ.
Их Британийн шүүгчид олон жилийн турш Хонгконгийн шүүхийн тогтолцоонд чухал үүрэг гүйцэтгэсэн боловч 2020 онд үндэсний аюулгүй байдлын тухай хууль батлагдсаны дараа Хятад улс энэ хуулийн төслийг Хонгконг дахь хүний үндсэн эрх, эрх чөлөөг зөрчихөд ашиглаж байна гэж тэмдэглэжээ. Мөн эдгээр эрх, эрх чөлөөг 1984 онд Их Британи, Хятад хоёр улсын хамтарсан тунхаглалд тусгасан. Хятадын үйл ажиллагаанд үзэл бодлоо илэрхийлэх эрх чөлөөг хязгаарлах, сөрөг хүчний дуу хоолойг дарах, улс төрийн эсэргүүцлийг гэмт хэрэгт тооцох зэрэг багтаж байна гэж мэдэгдэлд дурджээ. Үндэсний аюулгүй байдлын тухай хууль нь хамтарсан тунхаглалд заасан гүйцэтгэх болон шүүх эрх мэдлийн бие даасан байдал, бие даасан шүүх эрх мэдлийг зөрчсөн гэж Их Британийн Гадаад хэргийн яам үзэж байна.
“Их Британийн Дээд шүүх Их Британийн Засгийн газрын хамт Хонгконг дахь нөхцөл байдлыг сайн үнэлсээр байна. Үндэсний аюулгүй байдлын тухай хуульд заасан хэргүүд шүүхэд хүрч, хуулийн өргөн хүрээний сөрөг үр дагаврыг бид харж байгаа тул Их Британийн Засгийн газар Хонгконгийн эцсийн давж заалдах шатны шүүх дээр сууж буй Британийн шүүгчдийг дэмжих нь боломжгүй болж байна” гэж Британийн Гадаад хэргийн яамнаас тайлбарлав. Хятадын эрх баригчид үймээн самуун гарахаас урьдчилан сэргийлэх зорилгоор Хонгконгийн үндэсний аюулгүй байдлыг хамгаалах хуулийг өмнө нь баталж, 2020 оны зургадугаар сарын 30-ны өдрөөс хэрэгжиж эхэлсэн.
Эх сурвалж: “Зууны мэдээ” сонин
2022 ОНЫ ДӨРӨВДҮГЭЭР САРЫН 1. БААСАН ГАРАГ. № 66 (6798)
