Т.САЙХАН

"Спутник" вакцины хоёр тун хийлгэсэн хүмүүст гурав дахь тунд нь "Pfizer" вакцин хийх эсэх судалгаа хийж эхэлжээ.  

Энэ талаар Эрүүл мэндийн сайд С.Энхболд "Спутник вакцин манай улсад маш цөөхөн хүнд хийгдсэн. Татан авалт ч мөн цөөн тоогоор хийгдсэн. Гурав дахь тун бол сайн дурын үндсэн дээр хийгдэнэ. Гэхдээ энэ нь цар тахал гэдгийг ойлгох хэрэгтэй" гэв. 

Эрүүл мэндийн яамны Судалгаа, төлөвлөлтийн хэлтсийн дарга Б.Бумдэлгэр "Спутникийн вакцинжуулалттай холбоотой судалгаа дэлхий даяар ховор байгаа. Монгол Улсад Спутник вакцинаар хоёр тунгаа авсан хүмүүст араас нь Pfizer-аар гуравдугаар тун өгөх нэг хувилбарын судалгаа ХӨСҮТ-д хийгдэж байна. Тус судалгааны урьдчилсан дүн гараагүй байна. Гарсных нь дараа та бүхэнд танилцуулах болно" гэлээ. 

Эх сурвалж:www.polit.mn