Улсын дээд шүүхийн шүүгчид Н.Батзоригийг танилцууллаа

ZMS.MN

2023-10-05 16:57

2 мин унших

Т.САЙХАН

УИХ-ын чуулганы нэгдсэн хуралдаанаар Улсын дээд шүүхийн шүүгчид нэр дэвшигчийг танилцууллаа. Нэр дэвшигчийн талаарх танилцуулгыг Шүүхийн ерөнхий зөвлөлийн дарга Р.Онончимэг хийлээ.

Тэрбээр “Монгол Улсын Үндсэн хуулийн 51 дүгээр зүйлийн 2 дахь хэсэгт ШЕЗ, Улсын Дээд шүүхийн шүүгчдийг УИХ-д танилцуулснаар Ерөнхийлөгч томилно гэж, Монгол Улсын Шүүхийн тухай хуулийн 35-р зүйлийн 35.1 дэх хэсэгт Ерөнхий зөвлөл, Улсын шүүгчид нэр дэвшигчийг УИХ-д танилцуулснаар томилуулах саналыг Ерөнхийлөгчид хүргүүлнэ гэж УИХ-ын Чуулганы хуралдааны Дэгийн тухай хуулийн 104-р зүйлийн 104.2 дэх хэсэгт нэр дэвшигчийг ШЕЗ-ийн дарга, Хууль зүйн байнгын хорооны болон нэгдсэн хуралдаанд танилцуулна гэж тус тус заасан.

Үүний дагуу Улсын дээд шүүхийн шүүгчийн Иргэний хэргийн танхимын шүүгчийн сул орон тооны шалгаруулалтад нэгдүгээрт эрэмбэлэгдсэн нэр дэвшигч Намсрайн Батзоригийг УИХ-ын нэгдсэн хуралдаанд танилцуулж байна.

Товч намтар

Намсрайн Батзориг нь 1975 онд Хэнтий аймгийн Цэнхэр мандал суманд төрсөн. 48 настай, эрэгтэй, ам бүл тав. Эрх зүйч мэргэжилтэй.

1992 онд Хэнтий аймгийн нэгдүгээр арван жилийн дунд сургууль
1993-1994 онд Дотоодын цэргийн 805 дугаар ангид хороонд байлдагч
1995-1999 онд "Шихихутаг" дээд сургуульд эрхзүйч, бакалавр
2016-2018 онд МУИС-ийн Хууль зүйн дээд сургууль, хуул зүйн ухааны магистрын зэрэг тус тус хамгаалсан.

Ажилласан байдал

1992-1993 онд Хэнтий аймгийн Цэнхэрмандал сумын сургуульд биеийн тамирын багш
1993-1994 онд Дотоодын цэргийн 805 дугаар хороонд байлдагч
1999-2005 онд Багануур дүүргийн шүүхийн шүүхэд төлөөлөгч
2005-2007 онд Улсын дээд шүүхийн Тамгын газарт танхимын тэргүүний туслах;
2007-2012 онд Орхон аймаг дахь сум дундын шүүхийн шүүгчээр
2012-2013 онд Орхон аймгийн давж заалдах шатны шүүхийн шүүгчээр
2013 онд Нийслэлийн шүүхийн шүүгчээр
2013-2015 онд Нийслэлийн иргэний хэргийн давж заалдах шатны шүүхийн шүүгчээр
2015 оноос одоог хүртэл Нийслэлийн Иргэний хэргийн давж заалдах шатны шүүхийн шүүгчээр ажиллаж байна.

Нэр дэвшигч Н.Батзориг нь 2023 оны аравдугаар сарын 23-ны байдлаар төрийн албанд 26 жил шүүгчээр, 16 жил дөрвөн сар, үүнээс давж заалдах шатны шүүгчээр 11 жил долоон сар ажиллаж байна.

Нэр дэвшигч Н.Батзориг нь хууль зүйн мэдлэг чадварын шалгалтад 53.03 оноо, мэргэшил ёс зүй, зан төлөвийн шалгалтад 26.53 оноо авч хяналтын шатны шүүхийн шүүгчийн сонгон шалгаруулалтад тэнцсэн" гэв.