Б.ТУУЛ

Тулгар төрийн 2232, Их Монгол Улс байгуулагдсаны 817, Үндэсний эрх чөлөө, Тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадмын төрийн хүндэтгэлийн тоглолтын явцтай Монгол Улсын шадар сайд, Үндэсний их баяр наадмыг зохион байгуулах хорооны дарга С.Амарсайхан болон Үндэсний их баяр наадмын Урлаг, соёлын салбар хорооныхон танилцлаа.

Төрийн хүндэтгэлийн тоглолтын Ерөнхий найруулагчаар Хөдөлмөрийн баатар, Ардын жүжигчин, Төрийн хошой шагналт Нацагийн Жанцанноров ажиллаж байгаа бөгөөд энэхүү тоглолт нь “Эх орон” сэдвийн хүрээнд Монгол Улсын 21 аймгийг илтгэсэн найруулгатайгаар үзэгчдэд хүрч буйгаараа онцлог юм.

 Хүндэтгэлийн тоглолт 2023 оны 07 дугаар сарын 10-ны өдрийн 15:00 цагаас Нийслэлийн Соёлын төв өргөөнд, 21:00 цагаас Д.Сүхбаатарын талбайд тус тус болно.

Эх сурвалж: www.zms.mn