Жүдо бөхийн олим­пийн эрх олгох цуврал болох Гранпри тэмцээн энэ са­рын 24-25-нд БНХАУ-ын Чиндао хотод бол­но. Чиндаогийн тата­мид Мон­­голын 16 жүдоч хүч үзэхээр болжээ. Ма­най жүдочдын хувьд энэ удаа­гийн тэмцээн тун чу­хал гэд­гийг холбооны­хон онцлов. Энэ удаа­гийн цомд амжилттай оролц­сон та­мирчид олим­пийн чухал оноо цуглуу­лахаас гадна шинэ чансаа тогтоох юм. Жүдогийн дүр­мийн дагуу чансаа дээ­гүүр тамирчдад хэсэг бо­лон сугалааны хувьд давуу эрх олгодог би­лээ.

Харин энэ удаа­гийн Гранприд олимпийн ме­дальтнууд өнжиж залуу та­мирчид зодоглоно. Гран­прид зо­дог­лох жүдочид жин өгсөн барилдах нь тодорхой бо­лов. Дэлхийн цом, Гранпри тэмцээнүү­дэд 66 кг-ын жинд олон жил барилдсан ОУХМ С.Мияа­­раг­чаа энэ удаа жин нэмж ба­рил­да­хыг илүүд үзэв. Тэ­рээр 66 кг-ын жинд олим­пийн эрх авч байсан ч Х.Ца­гаан­баатарын дээр гарч чадал­гүй хоёр ч олим­пийг теле­визээр үзэх бол­сон. Тэрээр жин өгсөн барилд­сан ч хамт байх тавилан­тай Х.Ца­­гаан­баатар мөн л жин өг­сөн 73 кг-д хаа ч цуг хэ­мээн “Их дуул­га”-д хөлс гар­гахаар бэлдэж байна. Лон­­доны олим­под 60 кг-ын жинд барил­дан эхний той­­рогтоо ялаг­дал хү­лээ­сэн Д.Тө­мөр­хүлэгийн хувьд жингээ голов уу ах нарыгаа дуу­риав уу жин өгсөн 66 кг-ын хоосон зайнд  эзэн суу­лаа. Түүний барилдах 66 кг-ын жин жүдо сонир­хогчдын хүсэн хүлээдэг хамгийн сонир­холтой ба­рил­даан гар­дагаараа онц­лог­той юм. Энэ жинд Х.Ца­гаан­баа­тар, С.Мияараг­чаа нар Дэл­­хийн цомын тэмцээ­нүү­дээс ган­зага хоосон ирж байсан удаагүй билээ. Ха­рин түү­ний хувьд энэ удаа­гийн тэмцээнд ме­да­лийн буухиаг зал­гуулах эсэ­хийг хоёр хоногийн да­раах тэмцээн хариу өгөх биз.

Жин­гийн өөрчлөлт үүгээр дуу­саа­гүй. Лон­до­ны татамид эмэгтэй­чүү­дийн 48 кг жинд барилдан шилдэг наймд шалгарсан ОУХМ М.Уран­цэцэг Чин­даогийн татамид гавьяат тамирчин М.Бунд­маа эгчийнхээ жинд шургаад орчихжээ. Түүний хувьд долоон жил тогтмол барилдсан жин нь аз авчирахаа больсон бо­лол­той. М.Уран­цэцэг жин өгссөнөөр 52 кг-ын жин­гийнхний өр­сөл­дөөн ши­рүүсэх нь ойл­гомжтой. 52 кг-ын жинд Лондоны олим­под хоёр­ду­гаар тойр­гийн барилдаанд бүдэрч цааш барилдах эрх­гүй бол­сон гавьяат тамирчин М.Бунд­маа түүний мөн­хийн өрсөл­дөгч гэж хэлж болох Дэл­хийн цомын авар­га, ОУХМ Б.Бат-Эр­дэнэ нар бий. Тэгэхээр га­даадад тэмцээнд явахаас өм­нө дотоод дахь сорил хам­гийн чухал болно. Ямар боловч энэ удаагийн тэмцээнд 52 кг-ын жинг М.Бундмаа, Б.Бат-Эрдэнэ нар өнжиж М.Уранцэцэг зодоглоно. Өнгөрсөн жил тус тэмцээ­нээс 52 кг-ын жинд М.Бунд­маа алт, 63 кг-ын жинд Ц.Мөнхзаяа мөнгө, 73 кг-ын жинд С.Ням-Очир хүрэл медаль хүртэж байсан юм.

Ийнхүү залуу жүдочид Гранприд зодоглож олим­пийн медальтнууд энэ удаа өнжи­нө. Учир нь олим­пийн авар­га, Хөдөл­мөрийн баа­тар, гавьяат тамирчин Н.Түвшинбаяр Лондоны татамид ОХУ-ын алдарт бөх Тагир Хай­булаевтай алтан медалийн төлөө ба­рил­дахын өмнө БНСУ-ын бөх Хван Хэ Тэй-тэй ба­рил­дах үеэр баруун хө­лийн­хөө шөрмө­сийг гэм­тээ­сэн билээ. Олимпийн аваргад маань тэм­цээнд оролцох урилга ир­сэн ч тэрээр бэртлээ эмч­лүү­лэхээр Герман ул­сыг зорих юм. Түүний эмчил­гээнд хугацаа их орох учир Японд болох “Их дуулга”-д оролцох бо­ломж­­гүй гэдгээ мэдэгд­жээ. Харин  энэ сарын 30-аас ирэх сарын 2-ны хоо­ронд болох чансаа өндөр Токиогийн “Их дуулга”-ыг олимпийн хүрэл ме­дальт Х.Цагаан­баатар, С.Ням-Очир тэр­гүү­тэй нэлээд өргөн бүрэл­дэхүүн­тэй зорих болжээ. Лондо­ны олимпийн наа­дамд Мон­голын тамирч­дын ме­да­­лийн буухиаг эхлүүлж, 73 кг-ын жинд хүрэл ме­даль хүртсэн гавьяат та­мирчин С.Ням-Очирын ту­хайд олимпоос хойшхи анх­ны тэмцээн нь Токио­гийн “Их дуулга” гэж хэлж болно. Түүний хувьд “Их дуулга”-ын та­та­мид жин өгсөн 81 кг-д барил­дах бол Хөдөлмө­рийн баа­тар Х.Цагаан­баа­тар түү­ний таван жил ба­рил­даж бай­сан 73 кг-ын жинд зо­дог­лох болжээ.  Тус тэм­цээнд эрэгтэй зургаа, эмэг­тэй ганц тамирчин өр­сөл­дөх юм.