Х.ОЮУНБОЛД

 Спортын төв ордонд өчигдөр Монголын анхны спортын төрөлжсөн сувгийн нээлт боллоо. Ерөнхий сайд, Олимпийн наадамд бэлтгэх Үндэсний хорооны дарга У.Хүрэлсүх нээж үг хэллээ.  Түүний дараа МҮОНРТ-ийн Үндэсний зөвлөлийн дарга Б.Энхмандах болон ерөнхий захирал Л.Нинжжамц нар  спортын анхны төрөлжсөн суваг бий болж байгаад талархаж байгаагаа илэрхийлсэн юм. Энэ ажиллагаанд спортын олон их дээд сургуулиудын оюутнууд болон үеийн  үеийн тамирчид хүрэлцэн иржээ. Мөн урлаг, спортын олон сонирхолтой үзүүлбэрийг спортын клубын тамирчид үзэгчдэд үзүүлж сонирхуулсан юм. Тухайлбал, Уран сайхны гимнастикийн шигшээ багийн тамирчдын үзүүлэх тоглолт, “Дэрэн” клубын өсвөрийн хөлбөмбөгчдийн  жонглёртой үзүүлбэр, Туялзуур сэлэмний холбооны үзүүлбэр болон таеквондогийн  “Kick”, “Арслан” клуб тоглолтоо үзүүлж сонирхууллаа. Мөн Монголын олимпийн хорооны Ерөнхий нарийн бичгийн дарга Э.Бадар-Ууган болон спортын ахмад зүтгэлтэн, доктор О.Уранчимэг нар оролцож сэтгэгдлээ хуваалцсан юм. Тэнд үзүүлсэн үзүүлбэр дотроос үзэгчдийн хамгийн их анхаарал татсан үзүүлбэр нь “Аварга” дээд сургуулийн багш н.Нямдоржийн бэлтгэсэн “Монголын үндэсний бөхийн түүх” үзүүлбэр, “Үндэсний биеийн тамирын дээд болон “Гимнастикийн холбоо”-ны тамирчдын “Аэробик гимнастикийн галтай үзүүлбэр” хүмүүсийн анхаарлыг татаж байлаа.  Харин энэ сувгийнхан энэ жилийн  хөлбөмбөгийн ДАШТ, “Токио 2020” зуны олимпийн наадам зэрэг дэлхийн хэмжээний томоохон уралдаан, тэмцээнүүдийг үзэгч олондоо шууд дамжуулан үзүүлэх бэлтгэл ажилдаа ороод байгаа ажээ. Мөн ОХУ-д болох хөлбөмбөгийн ДАШТ-ийг угтан Үндэсний шилдэг тайлбарлагч, хөтлөгч шалгаруулах зорилготой “Би спортын хүн төслөө эхлүүлээд байгаа юм байна.

[caption id="attachment_50058" align="aligncenter" width="750"]Нээлтийн ажиллагаанд ирсэн хүндэт зочид Нээлтийн ажиллагаанд ирсэн хүндэт зочид[/caption]

[caption id="attachment_50059" align="aligncenter" width="750"]“Аварга” дээд сургууль “Монгол үндэсний бөхийн түүх”. “Аварга” дээд сургууль “Монгол үндэсний бөхийн түүх”.[/caption] [caption id="attachment_50060" align="aligncenter" width="750"]“Арслан” таеквондогийн клуб. “Арслан” таеквондогийн клуб.[/caption] [caption id="attachment_50061" align="aligncenter" width="750"]Туялзуур сэлэмний холбоо Туялзуур сэлэмний холбоо[/caption] [caption id="attachment_50062" align="aligncenter" width="750"]Аэробик гимнастикийн галтай үзүүлбэр. Аэробик гимнастикийн галтай үзүүлбэр.[/caption]

7Эх сурвалж: "Зууны мэдээ" сонин