Х.ОЮУНБОЛД

 Канад, АНУ-ын эмэгтэй хоккейн баг Финланд, ОХУ-ын багтай ПёнЧаны цэнгэлдэх хүрээлэнд уржигдар тоглосон байна.  Хагас шигшээ тоглолтод Канадын баг ОХУ-ын багийг 5:0 харьцаагаар хожжээ. Мөн  АНУ-ын баг Финландын багийг адил тоогоор хожсон байна. Канадын баг эхний хоёр тоглолтод ОХУ-ын багийн дайралтыг няцааж гурван гоол оруулжээ. Сүүлийн хоёр гоолийг Женнифер Уэйкфилд оруулснаар багтаа ялалт авчирсан байна. АНУ-ын багийн тоглогч Дэни Камеранеси хоёр гоол оруулснаар өрсөлдөгч багаа хожжээ.  Хагас шигшээд ялалт байгуулсан хоёр баг хүрэл медалийн төлөө өнөөдөр тоглоно.  Харин төгсгөлийн шийдвэрлэх тоглолт энэ пүрэв гаригт болно.  Ингэснээр тэд олимпод тав дахь удаагаа хоорондоо тоглохоор болж байна.  Өвлийн олимпод эмэгтэй хоккей 1998 онд анх бүртгэгдсэн.  АНУ-ын баг Канадын багийг хожиж  аварга болж байсан түүхтэй.  Үүнээс хойш Канадын баг 2002,2010, болон 2014 онд АНУ-ын багийг хожсон. Харин 2006 онд Шведийн баг Канадын багтай алтын төлөө тоглож хожигдож байжээ.

Эх сурвалж: "Зууны мэдээ" сонин