Т.ДАЛАЙ

Өнөөдрөөс /04.27/ 100 өдрийн дараа "Рио-2016" зуны XXXI олимпийн наадам Бразил улсын нийслэл Рио-Дэ-Жанейро хотноо ёслол төгөлдөр эхлэх билээ. Тус өдрийг угтан Монголын үндэсний олимпийн хороо, Монголын рагбигийн холбоотой хамтран "Рагбигаар хичээллэцгээе" өдөрлөгийг Үндэсний цэцэрлэгт хүрээлэнд амжилттай зохион байгууллаа.  Мөн энэ жил МҮОХ-ны 60 жилийн ой тохиож байгаа билээ.  Өдөрлөгийн үеэр талархал гардуулан, зарим Рагбигийн зүтгэлтнүүдийг МҮОХ-ны "Алтан медаль"-иар шагнав. Өдөрлөгт Сонгинохайрхан дүүргийн "Эрдэм" асрамжийн газрын хүүхдүүд болон дунд сургуулийн сурагчид оролцож, "Рио-2016" олимпийн наадамд эргэн орж буй Рагбигийн спортоор хичээллэн нэгэн өдрийг өнгөрүүллээ.

Эх сурвалж:www.polit.mn