Д.Ганхуяг Өвөрхангай аймгийн Зүүнбаян-Улаан сумын уугуул , 1976 онд Улаанбаатар хотод С.Доржпаламын дөрөвдэх буюу отгон хүү болон төржээ. Д.Ганхуяг багаасаа өсгөлүүн биетэй , барилдах сонирхолтой эв дүйтэй байжээ. 14 настайгаасаа барилдаж эхэлжээ. Д.Ганхуяг хүүхэд ахуй цагаасаа эхлэн сагсан бөмбөг, бөхийн чөлөөт , сонгомол, жүдо, самбо бөхийн олон төрлөөр хичээллэж , барилдах арга техникээ сайжруулж , олон улсын болон тив дэлхийн олон удаагийн тэмцээн уралдаанд оролцож амжилт гаргасан ОУХМ цолтой бөх юм.

Д.Ганхуяг 17 настайгаасаа эхлэн том наадамд гарч 1993 онд анх удаа улсын баяр наадамд зодоглож нэг давжээ.

1995   онд Өвөрхангай аймгийн баяр наадамд зодоглож , түрүүлж аймгийн арслан цол авчээ.

2000   оны улсын баяр наадамд тав давж Монгол улсын начин цолыг 24 насандаа авсан бол :

2002 оны улсын баяр наадамд тав давж өсөх идэр чимэг.

2005   оны улсын баяр наадамд тав давж улам нэмэх чимэг.

2006   оны улсын баяр наадамд тав давж хурц шаламгай чимэг.

2008   оны улсын баяр наадамд ес давж түрүүлж 32 насандаа Монгол улсын арслан цолыг хүртжээ.

2009   оны улсын баяр наадамд найм давж үзүүрлэж үлэмж бадрах чимэг.

2010   оны улсын баяр наадамд тав давж уран мэхт чимэг.

2011   оны улсын баяр наадамд  давж улам дэлгэрэх чимгүүдийг авчээ.

2001, 2012 оны улсын баяр наадамд дөрөв давж а/а А.Эрхэмбаяр, Ж.Амартүвшин нарт

1996, 1998, 2003, 2004, 2007, 2013 онуудын улсын баяр наадамд гурав давж у/з Р.Гансүх, у/н И.Доржсамбуу, Ц.Цэрэнхүү, а/а Б.Бадамдорж, у/н Т.Өсөх-Ирээдүй, а/а Э.Оюунболд нарт

1997   оны улсын баяр наадамд хоёр давж у/н М.Жамъянпүрэвт

1993 , 1994 , 1999 онуудын баяр наадамд нэгдавж у/н Ц.Улаанхүү, С.Ганзориг, а/а Г.Батбаатар нарт тус тус өвдөг шорооджээ.

Сар шинийн барилдаанд 2008, 2010, 2013 онуудад их шөвөгт үлдэж байв.

Монгол бөх Гиннессийн номд бүртгүүлэхэд зориулсан хүчит 6016 бөхийн барилдаанд 10 давж сүүлчийн зургаан бөхөд үлдэж байлаа.

Д.Ганхуяг арслан баруун талтай, зүүн гараараа баруун хөлд тахимдаж харвах, хонгодох, харцагадаж дайрах мэхүүдийг чадамгай хийдэг. Д.Ганхуяг арслан 1998 онд УБИС-ийн харъяа БТДС-ийг биеийн тамирын багш , дасгалжуулагч мэргэжлээр дүүргэжээ.