Т.САЙХАН
Театрын урлагийн шилдгүүдийг шалгаруулдаг “Гэгээн Муза” наадам ирэх сарын 1-нээс 7-ны хооронд болох гэж байна. 13 дахь удаагийн наадамд 34 бүтээл ирснээс сүүлийн шалгаруулалтад 17 жүжиг үлдсэн байна. “Гэгээн Муза” академийн тэргүүн, ардын жүжигчин С.Сарантуяа “Бид өмнөх жилүүдэд оролцож байгаа бүтээлүүдээ заримыг нь бичлэгээр үзэж шүүдэг байсан. Харин энэ жилийн тухайд бүгдийг нь тайзан дээр шүүлээ. Үзэгчид хэрхэн хүлээн авч байна. Жүжиглэлт, тайз засалт гээд бүх зүйлийг нь харсан. Тиймээс шүүлтийн төвшин маань нэг шатаар ахисан гэж хэлж болно” гэлээ. Мөн энэ жилийн гранпри шагналыг БСШУ-ны сайдын нэрэмжит болгожээ. Энэ нь наадмын үнэ цэнийг улам нэмэгдүүлсэн сайхан үйл явдал болсон гэдгийг зохион байгуулагчид онцолж байсан. Мөн энэ жил ОХУ, Герман, Польш, Грек, Киргиз зэрэг 10-аад орны уран бүтээлч оролцохоор болжээ. Нэг хүний жүжгийн төрөлд шүүгчээр Киргиз улсын Драмын театрын уран сайхны удирдаач, театр судлаач, найруулагч Umuralieva Tsytsygma ажиллажээ.
Энэ удаагийн наадмын сүүлийн шатанд өрсөлдөж байгаа уран бүтээлчдийг танилцуулж байна.
"Шилдэг эрэгтэй гол дүр" номинаци • Б.Шинэбаяр “Ромео & Жульетта” жүжгийн Ромеогийн дүрээр • Зорикто Цыбендоржиев “Ромео & Жульетта” жүжгийн Ромеогийн дүрээр
"Шилдэг эмэгтэй гол дүр" номинаци • О.Дөлгөөн “Ромео & Жульетта” жүжгийн Жульеттын дүрээр • Ольга Ранжилова “Ромео & Жульетта” жүжгийн Жульеттын дүрээр • Ц.Отгонбаяр “Хайрыг хайрла” жүжгийн Туулын дүрээр
"Шилдэг тайзны зураач" номинаци • Д.Ариундэлгэр, Н.Үнэнбат “Ромео & Жульетта” жүжгээр • Геннадий Скоморохов “Ромео & Жульетта” жүжгээр • Г.Хашцэцэг “Хайрыг хайрла” жүжгээр
"Шилдэг хөгжмийн зохиолч" номинаци • Б.Чинбат “Ромео & Жульетта” жүжгээр • Анастасия Дружинина, Сойжин Жамбалова “Ромео & Жульетта” жүжгээр
"Шилдэг эмэгтэй туслах дүр" номинаци • Ж.Оюундарь “Ромео & Жульетта” жүжгийн Өрлөг эхийн дүрээр • Дарима Тулохонова “Ромео & Жульетта” жүжгийн Өрлөг эхийн дүрээр • Ч.Дунгармаа “Хайрыг хайрла” жүжгийн Бурмаагийн дүрээр
"Шилдэг эрэгтэй туслах дүр" номинаци • С.Болд-Эрдэнэ “Ромео & Жульетта” жүжгийн Лоренцо ламын дүрээр • Э.Тодгэрэл “Ромео & Жульетта” жүжгийн Меркуциогийн дүрээр • Цынге Ломбоев “Ромео & Жульетта” жүжгийн Капульеттын дүрээр
Шилдэг найруулагч номинаци - УДЭТеатрын найруулагч Н.Наранбаатар "Ромео Жульетта" жүжгээр - ОХ-ны Буриад улсын ДУАТеатр, найруулагч Сойжин Жамбалова "Ромео & Жульетта” жүжгээр
Нэг хүний жүжгийн төрөлд нэр дэвшигчид: • “Хатагтай Капульетта” /Монгол/ • “Хүүхэлдэйн өчил” /Монгол/ • “Эр өндөг” /Монгол/ • “Бие сэтгэл” /Монгол/ • “Өвгөн тэнгис хоёр” /ОХ-ны Буриад улс/ • “Кирилов бурхан” Грек/ • “Новоченто” /Орос/ • “Өмнө ба хойно” /Польш/ • “Эдит Пиаф” /Герман/
Хүүхдийн жүжгийн төрөлд нэр дэвшигчид: • УХТеатрын бүтээл “Мял Богдын намтар” • Орхон аймгийн ХЗТеатрын бүтээл "Петр Пен ба далайн дээрэмчид” • Дундговь аймгийн Төв халхын дуулалт жүжгийн театрын бүтээл “Мөнхийн галт цэцэг”
Хөгжимт жүжгийг төрөлд нэр дэвшигчид: • ҮДБЭЧуулгын бүтээл “Оройн дээд” • Сүхбаатар аймгийн “Жаахан шарга” театрын бүтээл “Гэгээн тамлан” • Дархан-Уул аймгийн Залуучууд театрын бүтээл "Дуун хэлхээ” / • Анир студийн бүтээл “Надад үлдсэн найз” • БНХАУ-ын ӨМӨЗОрны Шилийн гол аймгийн Зүүн Сөнд хошууны Улаан мөчирийн бүтээл “Тэмээт нутгийн шинэ тууль”
Драмын жүжгийн төрөлд нэр дэвшигчид • УДЭТеатрын бүтээл "Ромео & Жульетта” • ОХ-ны Буриад улсын Хоц.Намсраевын нэрэмжит ДУАТеатрын бүтээл "Ромео & Жульетта" • Дархан-Уул аймгийн Залуучууд театрын бүтээл “Хайрыг хайрла”
Эх сурвалж:www.polit.mn
