Чөлөөт бөхийн насанд хүрэгчдийн дэлхийн аварга шалгаруулах тэмцээний өмнөх хамгийн сүүлчийн сорилт болох олон тэмцээн өнгөрсөн амралтын өдрүүдэд Польшийн Спала хотноо болов. Вацлав Циолковскийн нэрэмжит эрэгтэй чөлөөт бөхийн ХХII дахь болон эмэгтэй чөлөөт бөхийн “Poland Open” ХYII дахь уламжлалт олон улсын тэмцээнээс Монголын тамирчид хоёр хүрэл медаль хүртсэн байна. Эмэгтэйчүүдийн 48 кг-ын жинд гавьяат тамирчин Ц.Энхжаргал, 72 кг-ын жинд ОУХМ  Б.Одончимэг нар хүрэл медаль зүүжээ. Тус тэмцээнд Монголын шигшээ багийн зургаан бөх зодоглосон аж. 

Тэмцээнд Азербайжан, АНУ, Англи, Беларусь, Болгар, Испани, Итали, Казахстан, Канад, Кыргыз, Латви, Молдав, Монгол, ОХУ, Перу, Польш, Румын, Тунис, Турк, Словак, Украин, Унгар, Франц, ХБНГУ, Швейцар, Эстони, Япон зэрэг чөлөөт бөхийн тэргүүн гүрнүүдийн тамирчид зодогложээ.

Тэмцээний дүн:

Эрэгтэй:

55 кг. 1. Владислав Андреев (Беларусь), 2. Лачинов Асадулла (Беларусь), 3. Азамат Тускаев, Базар Жалсапов (хоёул ОХУ)

60 кг. 1. Гомес Франклин Матос (Перу, ДАШТ-ий мөнгөн медальт), 2. Христоф Вьенковски (Польш), 3. Сезар Акгуль (Турк), Абазан Мукола /Украин/

Энэ жинд Энхсайханы Ням-Очир (“Хилчин” спорт хороо) аравдугаар байрт оржээ. Тэрээр нэгдүгээр тойрогт Украины Абазан Муколатай таарч, торгуулийн оноогоор ялагджээ.

66 кг. 1. Мустафаев Агагусейн (Азербайжан), 2. Андрей Квятковски (Украин), 3. Ильяс Бекбулатов (ОХУ), Воллер Герг (Унгар)

74 кг. 1. Кирилл Терзеев (Болгар), 2. Ашраф Алиев (Азербайжан, ДАШТ-ий хүрэл медальт), 3. Кристиан Борзовски (Польш), Жабраил Хасанов (Азербайжан, ДАШТ-ний хүрэл медальт) 

Монголын багаас энэ жинд Пүрэвжавын Өнөрбат (Дархан-Уул аймаг, “Дархан-Хасу-Мегаватт”) зодоглож эхний тойрогт Азербайжаны Жабраил Хасановтой таарч, 1:3 онооны харьцаагаар дийлдэж 17-р байрт шалгарсан байна.

84 кг. 1. Александр Гостиев (Азербайжан), 2.Сэрдар Боке (Турк), 3. Фостер Клейтон, Перри Крист (хоёул АНУ)

96 кг. 1. Теймураз Тигиев (Казахстан), 2. Павел Олейник (Украин), 3. Ж.Бергман (АНУ), Батраз Газаев (ОХУ)

120 кг. 1. Жамалудин Магомедов (Азербайжан, ДАШТ-ий хүрэл медальт), 2. Алексей Николаев (Болгар), 3. Алексей Куприянов (Киргиз), Тервел Длагнев (АНУ, ДАШТ-ий хүрэл медальт)

Хамгийн хүнд жинд хүч үзсэн манай бөх Ж.Чулуунбат нэгдүгээр тойрогт Азербайжаны бөх Жамалудин Магомедовтой таарч, хөлөө алдсаар 0:4, 0:4 онооны харьцаагаар хожигдож, дагах барилдаанд Болгарын бөх Любен Илиевт 4:1, 0:4 онооны харьцаагаар өвдөг шорооджээ.

Эмэгтэй:

48 кг. 1. Алиса Лампе (АНУ, ДАШТ-ий хүрэл медальт), 2. Татьяна Аманжол (Казахстан), 3. Цогтбазарын ЭНХЖАРГАЛ (МОНГОЛ, ”Замчин” спорт клуб, ДАШТ-ий хүрэл медальт), Виктория Антони (АНУ) 

Манай бөх Ц.Энхжаргал нэгдүгээр тойрогт Английн Яна Стадниктай таарч, 8:0, дараа нь Румыны Мадалина Лингураруг 1:0 онооны харьцаагаар ялж, мөнгөн медалийн төлөөх барилдаанд Казахстаны бөх Татьяна Аманжолд 1:8 онооны харьцаагаар ялагдаж, хүрэл медалийн төлөөх барилдаанд Болгарын бөх Алина Рузоваг 7:0 онооны харьцаагаар буулгаж авчээ.

51 кг. 1. Засина Роксана (Польш), 2. Жессика Макдональд (Канад, ДАШТ-ий хүрэл медальт), 3. Валя Трандева (Болгар), Наталья Малышева (ОХУ)

55 кг. 1. София Маттсон (Швед, ДАШТ-ий алт, мөнгөн медальт), 2. Барка Эмисе (Унгар), 3. Жулианна Галлас (Канад), Катарзина Кравчук (Польш)

59 кг. 1. Марианна Шастина (ДАШТ-ий мөнгөн медальт), 2. Юсейн Тайбе (Болгар), 3. Юлия Раткевич (Азербайжан, олимпийн хүрэл медальт,  дэлхийн аварга), Анна Звирыдовска (Польш)

63 кг. 1. Мария Мамащук (Болгар), 2. Михалик Моника (Польш), 3. Инна Тражукова (ОХУ), Полина Грабовска (Польш) 

67 кг. 1. Гюзель Зутова (Азербайжан), 2. Анастасия Щавлинская (ОХУ), 3. Алёна Фосекен (ХБНГУ), Элена Васева (Болгар)

72 кг. 1. Вейбе Эрика (Канад), 2. Гюзель Манюрова (Казахстан, олимп, ДАШТ-ий мөнгө, хүрэл медальт), 3. Бадрахын ОДОНЧИМЭГ /МОНГОЛ, ”Алдар” спорт хороо, ДАШТ-ий хүрэл медальт), Наталья Воробьёва (ОХУ, олимпийн аварга)

Энэ жинд зодоглосон ДАШТ-ий мөнгөн медальт О.Бурмаа эхний тойрогт Оросын Екатерина Букинад торгуулийн оноогоор ялагджээ. Харин  Б.Одончимэг нэгдүгээр тойрогт хийлж, хоёрдугаар тойрогт Румыны Попеску Адёнаг 12:5 онооны харьцаагаар ялж, гуравдугаар тойрогт Казахстаны бөх Гюзель Манюровад 1:9 оноогоор дийлдэн, хүрэл медалийн төлөөх барилдаанд Польшийн Ховес Патрисияг 8:1 онооны харьцаагаар хожжээ. 

ОХУ-ын бөх Лондоны олимпийн аварга Наталья Воробьёва гуравдугаар тойрогт Канадын Вейбе Эрикад 3:8-аар ялагджээ.