Т.Ариунаагийн урлагт өнгөрүүлсэн 40 жилийн түүхийг “Зүрх асна” өгүүлнэ

ZMS.MN

1 өдөр

1 мин

П.ЛХАГВАЖАРГАЛ

“Амьдралын минь алтан босго

Арван зургаан нас минь

Азтайхан баяртайхан

Арван зургаан хавар минь ...” гэж дуулсаар урлагт хөл тавьж байсан цог жавхаалаг тэр охиныг Т.Ариунаа гэдэг. Тэрээр хэдийнээ амьдралынхаа 40 жилийг урлагийн алтан тайзнаа мөнхөлж, энэ наймдугаар сард “Зүрх асна” хүндэтгэлийн тоглолтоо Төв цэнгэлдэх хүрээлэнд хийхээр болжээ. Энэ хугацаанд Т.Ариунаа бие даасан 12 тоглолтоороо үзэгч, сонсогчидтойгоо уулзаж байсан бөгөөд үүний хоёр нь Төв цэнгэлдэх хүрээлэнд болж байв. “Хамгийн” гэх тодотголтой олон түүхийн эзэн түүнийг НҮБ-ын хүүхдийн элч, Монгол Улсын гавьяат жүжигчин, “Поп дива” дуучин гэдгээр нь та бид мэднэ. Түүний урлагийн тайзнаа гэрэлтсэн 40 жилийн ойн хүндэтгэлийн тоглолтын мэдээлэл хүргэх хэвлэлийн хурал өчигдөр боллоо.