1997 оны 8 сарын 24-нд Нью Хэмпширт төрсөн. Католик шашны уламжлалаар хүмүүжсэн. Түүний эцэг эх зайрмагны дэлгүүр, ачааны машин худалддаг бизнес эрхэлдэг байсан. 2019 онд Харилцаа холбоо, улс төр судлалын чиглэлээр бакалаврын зэрэг хамгаалсан. Өсвөр наснаасаа эхлэн Hearst Television WMUR-TV-д ажиллаж, дараа нь Fox News-д дадлага хийсэн. Жирэмсэн байхдаа Трампын сонгуулийн кампанит ажилд нэгдсэн. Тэрээр хатуу цагийн хуваарьт дасан зохицсон ажил хэрэгч нэгэн. Өөрөөсөө 32 насаар ах үл хөдлөх хөрөнгийн магнат Николас Риччиотой гэрлэсэн.

Трамп руу халдсан гэдгийг мэдээд төрөөд удаагүй байсан ч ажилдаа орсон. Бүсгүйн хөөрхөн төрхний цаана хүчтэй зан байдаг. Каролин ээжийн үүргээ өргөн цар хүрээтэй ажилтайгаа хослуулж чаддаг нэгэн. Зураг авалтад үргэлж бэлэн байж нөхцөл байдлыг хурдан зохицуулдаг, шулуун шударга, ерөнхийлөгчийнхөө эрх ашгийг тууштай хамгаалдаг гэж Америкийн хэвлэлүүд түүнийг тодорхойлжээ. Улс төрийн үзэл санааг сурталчлах зорилгоор олон нийтийн сүлжээг идэвхтэй ашигладаг гэдгийг мөн хэвлэлүүд онцолжээ.