П.ЛХАГВАЖАРГАЛ

Монголын волейболын холбооны залуучуудын улсын аварга шалгаруулах тэмцээн есдүгээр сарын 30-аас аравдугаар сарын 7-ны өдрийг хүртэл Улаанбаатар хотод зохион байгуулагдана. Тоглолт “V Court” болон “M Sport Crenter” спорт зааланд ээлжлэн явагдах ажээ. Эрэгтэйчүүдийн ангилал дөрвөн хэсэгтэй бөгөөд 19 баг өрсөлдөнө. Харин эмэгтэйчүүдийн ангиллын  гурван хэсэгт  12 баг өрсөлдөх юм. Одоогийн байдлаар аравдугаар сарын 2-ны өдрийг хүртэлх хэсгийн шатны тоглолтын хуваарь гарсан билээ. Тэмцээнийг нээж МУБИС болон Улаанбаатар төмөр замын харьяа “Замчин” клубийн эрэгтэй баг тоглоно. Энэхүү залуучуудын улсын аварга шалгаруулах тэмцээн нь “Гэрэл нэмье” уриа доор зохиогдож буйгаараа онцлог юм.

Эх сурвалж: www.zms.mn