Монголын шигшээ баг 2027 оны Ази тивийн аварга шалгаруулах тэмцээний урьдчилсан playoffs шатны хоёр дахь тоглолтоо Зүүн Тиморын шигшээ багтай хийх гэж байна. Тоглолт маргааш буюу энэ сарын 10-нд Монголын Хөлбөмбөгийн Холбооны талбайд болно. 
19 дэх удаагийн Ази тивийн аварга шалгаруулах тэмцээн буюу "AFC Asian Cup 2027"-д оролцох эрхийн төлөөх урьдчилсан шатны тоглолтууд ийнхүү үргэлжилж байгаа бөгөөд эхний тоглолт  Зүүн Тиморын талбайд буюу Индонезийн Бали хотод энэ сарын 5-нд болсон билээ. Энэ хүү тоглолтод Зүүн Тиморын баг манай шигшээ багийг 4-1 харьцаагаар хожоод буй. 
Монголын шигшээ багийн тамирчид маань ийнхүү маргааш өөрийн талбайд Зүүн Тимороос “даагаа нэхэх” юм. Хэрэв оноо тэнцвэл финалын тоглолтын хугацаа сунаж, манай шигшээ баг ялалтыг авах боломж бүрдэнэ. Тэмцээнд ялсан баг гуравдугаар шатанд тоглох эрхтэй болно.
Энд нэмэхэд,  Азийн Хөлбөмбөгийн Холбооноос зохиодог, 19 дэх удаагийн Ази тивийн аварга шалгаруулах тэмцээн /"AFC Asian Cup"/ дөрвөн жилд нэг удаа тохиодог бөгөөд лигийн улирал эхэлснээс хойш хоёр удаагийн тоглолт хийгээд буй. Манай шигшээ баг Зүүн Тимортой есөн жилийн өмнө тоглож байсан түүхтэй. Өөрөөр хэлбэл, өнгөрсөн хугацаанд хоёр улс маань цөөнгүй хэдэн тоглолтыг хийж байв. 
19 дэх удаагийн Ази тивийн аварга шалгаруулах тэмцээн буюу "AFC Asian Cup" 2027 оны нэгдүгээр сард Саудын Араб улсад болно. 2019 оноос хойш Азийн аваргад 24 баг оролцдог болсон бөгөөд энэ жил 46 улсын шигшээ баг урьдчилсан шатанд өрсөлдсөн. 
Ази тивийн аварга шалгаруулах өмнөх тэмцээний аварга бол Катарын шигшээ баг юм. 2019 онд Японыг, 2023 онд Йорданыг хожиж түрүүлсэн катарууд гурав дараалан аваргалсан хоёр дахь улс болохыг хичээх нь ойлгомжтой. Өмнө нь  1968, 1972, 1976 онд Ираны шигшээ баг энэхүү тэмцээнд гурав дараалан түрүүлж байсан түүхтэй.