Т.САЙХАН

Хуульзүйн байнгын хорооны өнөөдрийн /05.14/ хуралдаанаар Эрүүгийн хэрэгт эрх зүйн туслалцаа үзүүлэх тухай Европын конвенцыг соёрхон батлах тухай хуулийн төслийг хэлэлцлээ. Энэ үеэр УИХ-ын гишүүн Ц.Мөнхцэцэг "Засгийн газрын Шувуу ажиллагааны явц, үр дүн, Ерөнхий сайд асан Ч.Сайханбилэгийг авчрах талаар тодрууллаа. Түүний асуултад ХЗДХ-ийн сайд Б.Энхбаяр “Шувуу ажиллагааны хүрээнд гадаад руу оргон зайлж, эрэн сурвалжлагдаж байсан этгээдүүдийн  70-75 хувьтай авчраад байна. Хамгийн сүүлд бусдын амь насанд захиалгаар халдсан асуудлаар шалгагдаж байхдаа оргон зайлсан этгээдийг олж, авчирсан. Манай улс АНУ-тай эрүүгийн эрхзүйн талаар хамтран ажиллах гэрээ, хэлэлцээр байхгүй. Дипломат шугамаар хууль хяналтын байгууллагын түвшинд байнга явагдаж байгаа. Бид Ч.Сайханбилэгийн хаана байгааг мэдэж байгаа. Ч.Сайханбилэг билэгжүү байгаа. Монголоос мөнгө явуулдаг холбоо, сүлбээтнүүд нь хэвээр байгаа. Энэ асуудлыг хууль хяналтын байгууллага шалгаж байна" гэсэн хариултыг өгөв.

Эх сурвалж:www.polit.mn