Б.ТУУЛ

Энэ сарын 18-нд буюу өвлийн эхэн харагчин гахай сарын шинийн 5-ны өлзийт сайн өдөр Монголын бурханы шашны түүхэнд нэгэн онцлох үйл явдал боллоо. Энэ өдөр Монголын бурхан шашинтны төв, Гандантэгчэнлин хийдийн Тэргүүн их хамба, 30 дахь Хамба Номун Хан, гэвш лхаарамба Д.Жавзандорж ламыг сэнтийд нь хүндэтгэн залах ёслол “Батцагаан” цогчэн дуганд болов. Мөн энэ үеэр Монголын Бурхан шашинтны төв Гандантэгчэнлин хийдийн тэргүүн их хамбын албыг 31 жил авч явсан, Хамба Номун Хан, Буддын шашны нэрт зүтгэлтэн Дэмбэрэлийн Чойжамц шинэ үеийн төлөөлөл залуу хамба Номун Ханд тамгаа шилжүүлэн үүрэгт албаа ёслол төгөлдөр хүлээлгэн өгч, номын шавь нар нь түүнийг хүндэтгэл дүүрэн үдэх ёслол болов.

Эх сурвалж: www.zms.mn