Б.ТУУЛ

Азийн зуны спортын IV пара наадам БНХАУ-ын Ханжоу хотноо 2023 оны 10 дугаар сарын 22-28-ны өдрүүдэд  болж, тус наадамд нийт 44 орны 3000 гаруй тамирчид спортын 22 төрөлд 604 багц медалийн төлөө өрсөлдсөн билээ.

Манай Улсаас тус наадамд 68 тамирчин хурд хүч, авхаалж самбаагаа сорин өрсөлдөж, 2 алт, 3 мөнгө, 3 хүрэл медальтай эх орондоо ирлээ. Тодруулбал, жүдо, таеквондо, шатар, туялзуур сэлэм, хөнгөн атлетик, ширээний теннис, усанд сэлэлт, бочи,  го даам, буудлага, байт харваа, пауэрлифтинг, волейбол, бадминтон зэрэг спортын 14 төрлөөр өрсөлдсөн юм. 

Азийн зуны спортын IV наадамд  түүхэн амжилт гаргасан баг тамирчид болон  дасгалжуулагчдыг  холбогдох албаны удирдлагууд хүлээн авч хүндэтгэл үзүүллээ.

Эх сурвалж: www.zms.mn