Б.ЖАВХЛАН

Шударга өрсөлдөөн, хэрэглэгчийн төлөө газраас 2022 оны арваннэгдүгээр сард “МАК цемент” ХХК-д Өрсөлдөөний тухай хуулийн долдугаар зүйлийн 7.1.Давамгай байдалтай аж ахуй эрхлэгч дараах ноёлох үйл ажиллагаа явуулахыг хориглоно, 7.1.2-т “бараа бүтээгдэхүүнд үндэслэлгүйгээр хэт өндөр үнэ тогтоох” гэж заасныг зөрчсөн гэж үзэн Зөрчлийн тухай хуулийн 10.7 дугаар зүйлийн ес дэх хэсэгт зааснаар тухайн бараа бүтээгдэхүүний борлуулалтын орлогын дөрвөн хувьтай тэнцэх хэмжээний төгрөг болох 5.370.546.910 төгрөгөөр торгох шийтгэл ногдуулсан.

Шударга өрсөлдөөн, хэрэглэгчийн төлөө газрын 2021 оны наймдугаар тогтоолоор “МАК цемент” ХХК-ийг цементийн зах зээлд давамгай байдалтай аж ахуй эрхлэгчээр тогтоосон. “МАК цемент” ХХК нь шийтгэлийг эс зөвшөөрч Захиргааны хэргийн шүүхэд хандсан бөгөөд нийслэл дэх захиргааны хэргийн анхан болон давж заалдах шатны шүүхээс “МАК цемент” ХХК-ийн нэхэмжлэлийн шаардлагыг бүхэлд нь хэрэгсэхгүй болгон шийдвэрлээд байсан юм.

Улсын дээд шүүхийн Захиргааны хэргийн танхимын нийт шүүгчдийн 2023 оны аравдугаар сарын 24-ний өдрийн хуралдаанаар “МАК цемент” ХХК-ийн хяналтын шатны шүүхэд гаргасан гомдлыг хяналтын шатны шүүх хуралдаанаар хэлэлцүүлэхээс татгалзаж шийдвэрлэлээ.

Ингэснээр “МАК цемент” ХХК-д ногдуулсан 5.3 тэрбум төгрөгийн торгууль хуулийн дагуу хүчин төгөлдөр болж, шүүхийн шийдвэрийг сайн дураар төлөх 30 хоногийн хугацаа тоологдож эхэллээ

Эх сурвалж: www.zms.mn