Т.БАТСАЙХАН
АТГ-аас төрийн албан хаагчдын 2020 оны хөрөнгө орлогын мэдүүлгийн хураангуйг олон нийтэд танилцуулсан. Өмнө нь бид 2020 оны УИХ-ын сонгуулиар улиран сонгогдсон гишүүдийн ХОМ-ийг 2019 оныхтой харьцуулан дэлгэрэнгүй хүргэсэн. Тэгвэл энэ удаа өнгөрсөн онд парламентад анх удаа сонгогдсон 32 гишүүний ХОМ-ээс онцлон хүргэж байна.
Үл хөдлөх хөрөнгө, машин, үнэт эдлэлгүй, 4.6 тэрбум төгрөгийн авлагатай
УИХ-ын гишүүн Т.Аубакарын жилийн орлого 14 сая, гэр бүлийн гишүүдийн орлого нь 2.2 сая төгрөг байна. Үл хөдлөх хөрөнгө, газар, автомашин, үнэт эдлэл, газар, мал байхгүй. 31 сая төгрөгийн хадгаламж, 4.6 тэрбум төгрөгийн авлагатай. Эрдэнэс тавантолгой ХХК-д хувьцаа эзэмшдэг хэмээн мэдүүлжээ.
“Ихэр Оюу” ХХК-ийг 100 хувь эзэмшдэг
Ц.Сэргэлэн гишүүний жилийн орлого 367 сая. Гэр бүлийн гишүүдийнх нь 12 сая төгрөг байна. 505 сая төгрөгийн нэг амины орон сууц, гэртэй. 53 сая төгрөгөөр үнэлэгдэх газар, 25 сая төгрөгийн үнэт эдлэлтэй. Долоон сая төгрөгийн хадгаламжтай бол “Ихэр Оюу” ХХК-ийг 100 хувь эзэмшдэг байна.
Хурдан удмын 27 адуу, 126 сая төгрөг хадгаламжтай
УИХ-ын гишүүн Т.Энхтүвшин өмнө нь Дорноговь аймгийн Засаг даргаар ажиллаж байсан. Түүний жилийн орлого 37 сая. Гэр бүлийнх нь 19 сая төгрөг байна. 677 сая төгрөгөөр үнэлэгдэх үл хөдлөх хөрөнгөтэй. Жийп болон туулах чадвар өндөр,Toyota, LEXUS RX330- 1,Жийп болон туулах чадвар өндөр,Lexus, 570- 1 автомашинтай. Түүнийгээ 134 сая төгрөгөөр үнэлжээ. Хурдан удмын 27 адуутай бол 25 сая төгрөгийн үнэт эдлэл, 126 сая төгрөг хадгаламжтай. Бурхант тал ХХК-ийн 50 хувийг эзэмшдэг байна.
4.5 тэрбум төгрөгийн үл хөдлөх хөрөнгөтэй
УИХ-ын гишүүн Б.Баярсайханы жилийн орлого 107 сая төгрөг, гэр бүлийн гишүүдийн орлого нь 12 сая төгрөг байна. 4.5 тэрбум төгрөгийн үл хөдлөх хөрөнгөтэй. Суудлын жижиг машин,BMW, 528- 1,Суудлын жижиг машин,Nissan, Juke- 1,Жийп болон туулах чадвар өндөр,Toyota, Land Cruiser 200- 1 автомашинтай. Түүнийгээ 342 сая төгрөгөөр үнэлжээ. 10 адуу, 50 үхэр, 200 хоньтой, 61 сая төгрөгийн газартай гэж мэдүүлжээ.
212 сая төгрөг зээлтэй гэж мэдүүлжээ
Г.Ганболд гишүүний жилийн орлого 34 сая. Гэр бүлийн гишүүдийнх байхгүй гэж мэдүүлжээ. 263 сая төгрөгийн үл хөдлөх хөрөнгө, 20 сая төгрөгийн үнэ бүхий газартай. Суудлын жижиг машин,Toyota, Corolla runx- 1,Жийп болон туулах чадвар өндөр,Toyota, Land Cruiser 200- 1 автомашинтай. Түүнийгээ 212 сая төгрөгөөр үнэлжээ. 23 сая төгрөгийн үнэт эдлэлтэй бол 212 сая төгрөгийн зээлтэй гэж мэдүүлжээ.
138 сая төгрөгийн мал аж ахуйтай
УИХ-ын гишүүн Ж.Батжаргалын жилийн орлого 369 сая төгрөг, гэр бүлийн гишүүдийнх нь 52 сая төгрөг. 160 сая төгрөгийн үл хөдлөх хөрөнгөтэй. Тээврийн хэрэгсэлгүй. 138 сая төгрөгийн мал аж ахуйтай. “Эрдэнэс таван толгой” ХК-ийн хувьцаа эзэмшдэг гэж мэдүүлжээ.
Автомашин мал аж ахуй, газаргүй, 2.7 тэрбум төгрөгийн авлагатай
Г.Дамдинням гишүүний жилийн орлого 726 сая төгрөг, гэр бүлийн гишүүдийн орлогогүй. 615 сая төгрөгийн үл хөдлөх хөрөнгө, 480 сая төгрөгийн үнэт эдлэлтэй. Тээврийн хэрэгсэл, мал аж ахуй, газаргүй. 70 сая төгрөгийн хадгаламжтай бол 2.7 сая төгрөгийн авлагатай гэж мэдүүлжээ. Марка коиба ХХК, Оргилфинанс ХХК, Топ майнинг солюшнс ХХК, ВМП ХХК, Хера инвестмент ХХК, Эрдэнэс таван толгой ХК хувь эзэмшдэг байна.
Компанид хувь эзэмшдэггүй
УИХ-ын гишүүн Д.Батлутын жилийн орлого 30 сая, гэр бүлийн гишүүдийнх нь мөн 30 сая төгрөг байна. 180 сая төгрөгийн үл хөдлөх хөрөнгө, 19 сая төгрөгийн Toyota, Kluger маркийн автомашинтай. 51 сая төгрөгийн хадгаламж, 22 сая төгрөгийн мал аж ахуй, 20 сая төгрөгийн зээлтэй гэж мэдүүлжээ. Ямар нэгэн компанид хувь эзэмшдэггүй байна.
229 сая төгрөгийн зээлтэй гэж мэдүүлжээ
Ц.Сандаг-Очир гишүүн 200 сая төгрөгийн жилийн орлоготой. Гэр бүлийн гишүүдийнх нь 25 сая төгрөг байна. 511 сая төгрөгийн үл хөдлөх хөрөнгөтэй. 37 сая төгрөгийн мал аж ахуй. Гурван сая төгрөгийн газар, 1.8 сая төгрөгийн үнэт эдлэлтэй. 45 сая төгрөгийн хадгаламжтай бол 229 сая төгрөгийн зээлтэй гэж мэдүүлжээ.
125 сая төгрөгийн үнэт эдлэлтэй
УИХ-ын гишүүн Ж.Чинбүрэн 185 сая төгрөгийн жилийн орлоготой бол гэр бүлийн гишүүд нь 20 сая төгрөгийн орлоготой. 155 сая төгрөгийн үл хөдлөх хөрөнгө, 101 сая төгрөгийн мал аж ахуйтай байна. Жийп болон туулах чадвар өндөр,Nissan, Patrol- 1,Суудлын жижиг машин,Nissan, Murano автомашинтай. Тэднийгээ 379 сая төгрөгөөр үнэлжээ. 125 сая төгрөгийн үнэт эдлэл, 21 сая төгрөгийн хадгаламж, 269 сая төгрөгийн зээлтэй гэж мэдүүлжээ. Ямар нэгэн компанийн хувь эзэмшдэггүй.
11 компанид хувь эзэмшдэг
Х.Ганхуяг гишүүний жилийн орлого 499 сая, гэр бүлийн гишүүд нь 113 сая төгрөг олдог. Гурван тэрбум төгрөгийн үл хөдлөх хөрөнгөтэй. 130 сая төгрөгөөр үнэлэгдэх RangeRover автомашинтай. 45 сая төгрөгийн газартай бол 477 сая төгрөгийн үнэт эдлэлтэй байна. 40 сая төгрөгийн хадгаламжтай бол 1.4 тэрбум төгрөгийн авлагатай байна. Женерал индастриал солюшн ХХК, Майн тех МСҮТ боловсрол сургалтын байгууллага, Мон аяут ХХК, Ремикон цемент шохой ХХК, Ремикон ХК, Эм Би Си Си холдинг ХХК, Хера Экуйпмент ХХК, Даунтаун фейшн ХХК, Сонголожистик ХХК, НХГ ХХК, Хера Энержи ХХК-д хувь эзэмшдэг.
Долоон тэрбум төгрөгийн үл хөдлөх хөрөнгө, нэг тэрбумын зээлтэй
УИХ-ын гишүүн Г.Амартүвшин 226 сая төгрөгийн жилийн орлоготой. Гэр бүлийн гишүүдийнх нь 174 сая төгрөг байна. Долоон тэрбум төгрөгийн үл хөдлөх хөрөнгөтэй. 480 сая төгрөгөөр үнэлэгдэх Mercedes Benz, G 55 AMG автомашинтай. Сайн үүлдрийн 100 ямаа, 200 сая төгрөгийн үнэт эдлэлтэй байна. 62 сая төгрөгийн хадгаламжтай бол нэг тэрбум төгрөгийн зээлтэй гэж мэдүүлжээ. Тэгш Тайшир групп ХХК, Мөөжиг органик ХХК, Монгол сийлбэр ХХК, Би Ди Нолар ХХК, Уяач апп ХХК, Амар асар ХХК, Тэгш булан ХХК, Вла Монголиа ХХК, Эрксис Монголиа ХХК-д хувь эзэмшдэг.
2.7 тэрбум төгрөгийн үл хөдлөх хөрөнгөтэй гишүүн
Э.Бат-Амгалан гишүүний жилийн орлого 506 сая төгрөг. Гэр бүлийн гишүүд нь 12 сая төгрөгийн орлоготой. 2.7 тэрбум төгрөгийн үл хөдлөх хөрөнгөтэй бол 226 сая төгрөгийн үнэ бүхий Toyota, Land Cruiser 200 маркийн нэг автомашинтай. 150 сая төгрөгийн газар, 80 сая төгрөгийн үнэт эдлэлтэй гэж мэдүүлжээ. 163 сая төгрөгийн хадгаламжтай бол 370 сая төгрөгийн зээлтэй байна. Ямар нэгэн компанид хувь эзэмшдэггүй.
“Мосмеп” ХХК, “Ардчилал таймс” сонинд хувь эзэмшдэг
УИХ-ын гишүүн Н.Ганибалын жилийн орлого 89 сая, гэр бүлийн гишүүдийнх нь 76 сая төгрөг байна. 696 сая төгрөгийн үл хөдлөх хөрөнгөтэй. 125 сая төгрөгийн Lexus, 570, Nissan, Qashqai маркийн хоёр автомашинтай. Хурдан удмын адуу-20, Адуу-61, Сайн үүлдрийн үхэр-2, Үхэр-10, Хонь-20 той. Тэднийгээ 219 сая төгрөгөөр үнэлжээ. 36 сая төгрөгийн хадгаламжтай бол МОСМЕП ХХК, Ардчилал таймс сонинд хувь эзэмшдэг хэмээн мэдүүлжээ.
290 сая төгрөгийн зээлтэй
Ц.Мөнхцэцэг гишүүний жилийн орлого 15 сая, гэр бүлийн гишүүдийнх нь 23 сая төгрөг байна. 810 сая төгрөгийн үл хөдлөх хөрөнгөтэй, тусгай зориулалтын нэг автомашинтай гэж мэдүүлжээ. 290 сая төгрөгийн зээлтэй бол Мон эдутейнмент ХХК-д хувь эзэмшдэг байна.
4.5 тэрбум орлого, 4.2 тэрбумын үл хөдлөх хөрөнгө, 1.3 тэрбумын хадгаламжтай
УИХ-ын гишүүн Ш.Адьшаагийн жилийн орлого 4.5 тэрбум. Гэр бүлийн гишүүд нь 1.6 тэрбумын орлоготой. 4.2 тэрбум төгрөгийн үл хөдлөх хөрөнгөтэй бол 952 сая төгрөгийн Mercedes Benz, G 500, Volkswagen, Passat, Toyota, Land Cruiser 200, ,Hyundai, Sonata 7 маркийн дөрвөн автомашинтай. 816 сая төгрөгөөр үнэлэгдэх хурдан удмын 51 адуутай бол 890 сая төгрөгийн үнэт эдлэлтэй гэжээ. Мөн 1.3 тэрбум төгрөгийн хадгаламжтай. НЬЮфеникс интернэшнл ХХК, Мөнгөн-Алмаз ХХК, Хүннү МН ХХК, Ачит-Арвис ХХК, Ачит-эх мед ХХК, Грэйтблюмаунтайнс ХХК, Империалмаксимус корпорейшн ХХК, Ти Ти Би Эй ХХК, Эрдэнэс таван толгой ХК-д хувь эзэмшдэг байна.
Компанид хувь эзэмшдэггүй
Б.Энхбаяр гишүүний жилийн орлого 21 сая, гэр бүлийн гишүүдийнх нь 30 сая төгрөг байна. 160 сая төгрөгийн үл хөдлөх хөрөнгөтэй бол 80 сая төгрөгийн Toyota, Land Cruiser 200 маркийн автомашинтай байна. 10 сая төгрөгийн газар, 62 сая төгрөгийн хадгаламж, ямар нэгэн компанид хувь эзэмшдэггүй байна.
Гарден Артс ХХК-ийн 50 хувийг эзэмшдэг
УИХ-ын гишүүн Х.Булгантуяагийн жилийн орлого 29 сая. Гэр бүлийн гишүүдийнх 118 сая төгрөг байна. 410 сая төгрөгийн үл хөдлөх хөрөнгө, 75 сая төгрөгийн үнэ бүхий Toyota, Land Cruiser 80, Subaru, Outback маркийн автомашинтай. 20 сая төгрөгийн газар, 33 сая төгрөгийн хадгаламжтай. Гарден Артс ХХК-ийн 50 хувийн эзэмшдэг гэж мэдүүлжээ.
КАМАЗ маркийн том оврын автомашинтай
С.Одонтуяа гишүүний жилийн орлого 169 сая, гэр бүлийн гишүүний орлого 37 сая төгрөг байна. 798 сая төгрөгөөр үнэлэгдэх үл хөдлөх хөрөнгөтэй. Том оврын ачааны КАМАЗ-4310 маркийн автомашинтай. Газар, мал аж ахуй, үнэт эдлэл, хадгаламж байхгүй. Лотсинвест ХХК, Сентоза фоод корт ХХК-д хувь эзэмшдэг гэж мэдүүлжээ.
116 сая төгрөгөөр үнэлэгдэх мал аж ахуйтай
Б.Жаргалмаа гишүүний жилийн орлого 33 сая. Гэр бүлийн гишүүдийн орлого 11 сая төгрөг байна. 272 сая төгрөгийн үл хөдлөх хөрөнгөтэй. Toyota, Land Cruiser 200 Toyota, Harrier маркийн хоёр автомашинтай бол 116 сая төгрөгөөр үнэлэгдэх адуу-50, Хонь-280, Сайн үүлдрийн үхэр-30, Хурдан удмын адуу-2-той гэж мэдүүлжээ. Мөн 235 сая төгрөгийн үнэт эдлэл, 211 сая төгрөгийн авлагатай бол Хөрөнгө оруулагч үндэстэн ХК-д хувь эзэмшдэг байна.
Эх сурвалж: “Зууны мэдээ” сонин
2021.7.28 ЛХАГВА № 146 (6623)
