Т.САЙХАН
МҮХАҮТ-ын ерөнхийлөгч асан Б.Лхагважавыг Монголын барилгын үндэсний ассоциаци ТББ-ын даргаар томилжээ.
“Монголын Барилгын Үндэсний Ассоциаци” Төрийн бус байгууллагыг 2009 онд "Жигүүр Гранд" ХХК-ийн ерөнхий захирал Д.Баттөр," Цаст импекс" ХХК-ийн Захирал Н.Баярсайхан, "За"г ХХК-ийн захирал Б.Нэмэхбаатар, "Монгол базальт" ХХК-ийн захирал Л.Ариунболд, "Нийслэл өргөө" ХХК-ийн захирал Б.Ганзориг нар анх үүсгэн байгуулж байжээ.
Анхны ерөнхийлөгчөөр УИХ-ын гишүүн агсан О.Чулуунбат ажиллаж байсан юм.
Б.Лхагважав нь бизнесийн удирдлагын доктор, эрх зүйч мэргэжилтэй бөгөөд 1988-1995 онд Польш Улсын Вроцлав хотын Техникийн их сургуулийг төгссөн.
2014-2019 онуудад МҮХАҮТ-ын ерөнхийлөгч ба Удирдах зөвлөлийн даргын албан тушаал, 2019 оноос хойш МҮХАҮТ-ын Тэргүүлэгч гишүүн, 2017 оноос хойш Монгол банкны Хяналтын зөвлөлийн гишүүн, Монголын Гимнастикийн холбооны Ерөнхийлөгч зэрэг албан тушаалыг тус тус хашиж байна.
Эх сурвалж:www.polit.mn
