Б.НАМУУНТАМИР
УИХ-ын 2020 оны ээлжит сонгуулийн санал хураалт Монгол Улсын 21 аймаг, есөн дүүрэгт өнөөдөр /06.24/ 07.00 цагт эхэлсэн. Санал хураалт орой 22:00 цагт дуусна. Тэгвэл СЕХ-оос 17:00 цагийн ирцийн талаар мэдээлэл хийлээ. Улсын хэмжээнд сонгуулийн ирц 17:00 цагийн байдлаар 52.6 хувьтай байна.
УБЕГ-ын дарга Б.Баасандорж “Орон нутаг дахь Онцгой байдлын газраас үерлэсэн долоон гол мөрөн гаталж саналаа өгөх 376 иргэний аюулгүй байдлыг хангаж ажилласан. 2020 оны ээлжит сонгууль 2.226.000 сонгогч бий. Үүний 52 хувь нь эмэгтэй сонгогч байна. 35-аас доош насных нь 41 хувийг эзэлж байгаа бол 35-аас дээш насныхан 59 хувь байна. Мөн энэ өдөр 18 насанд хүрсэн 130 сонгогч байгаа юм. Түүнчлэн 100-аас дээш настай 92 сонгогч байна. Улсын хэмжээнд 17:00 цагийн байдлаар УИХ-ын саналын ирц 52.6 хувьтай байна" гэлээ.
Улсын хэмжээнд 17:00 цагийн байдлаар ирц 52 хувьд хүрсэн бөгөөд санал хураалт 22:00 цагт дуусах юм. УИХ-ын сонгуулийн 29 тойргоос Сүхбаатар аймагт сонгуулийн ирц хамгийн өндөр байгаа аж. Тодруулбал, Сүхбаатар аймаг буюу УИХ-ын сонгуулийн 12-р тойрогт 40.766 сонгогч саналаа өгөхөөс 26.490 нь саналаа өгснөөр тус тойргийн санал 65 хувьтай байна.Нэрсийн жагсаалтад хамгийн олон сонгогчтой Баянгол дүүрэгт 135.094 сонгогч саналаа өгөхөөс 73.443 сонгогч саналаа өгсөн нь хамгийн олон сонгогч саналаа өгсөн тойрог болж байгаа аж.
Эх сурвалж:www.polit.mn
