С.УРТНАСАН
2025 оны дөрөвдүгээр сарын 24-нд Fantagio агентлаг Ким Сеон Хогийн шинэ профайл зургуудыг нийтэлж, түүний шинэ эхлэлийг албан ёсоор тэмдэглэлээ. Эдгээр зургууд нь түүний мэргэжлийн дүр төрхийг харуулж, фенүүдийн анхаарлыг татаж байна. Тэрээр тус агентлагийн хамгийн сүүлийн элсэлт болсон юм. Профайл зургууд дээр Ким Сеон Хо зөөлөн, төлөвшсөн төрхийг харуулснаас гадна өөрийн өвөрмөц хацрын хонхорхойтой инээмсэглэлээ ч мөн үзүүлжээ.
2025 оны гуравдугаар сарын 1-нд Fantagio агентлаг жүжигчин Ким Сеон Хотой онцгой гэрээ байгуулснаа зарласан билээ. Fantagio нь түүний тогтвортой жүжиглэлт, өвөрмөц сэтгэл татам байдлыг үнэлэн, олон талт уран бүтээлд оролцох боломжийг бүрэн дэмжихээ мөн илэрхийлсэн юм.
Ким Сеон Хо өмнө нь SALT энтэртаймент агентлагтай зургаан жилийн турш хамтран ажиллаж байгаад 2025 оны хоёрдугаар сард гэрээгээ дуусгасан бөгөөд Fantagio-д нэгдсэнээр Ча Ын У, Онг Сеон У зэрэг алдартай уран бүтээлчидтэй нэг агентлагт харьяалагдах болжээ
Үүний зэрэгцээ Ким Сеон Хо сүүлд Netflix-ийн оригинал цуврал болох ‘When Life Gives You Tangerines’-д тоглосноороо олны анхаарлыг татсан. Тэрээр 2025 онд төрөл бүрийн уран бүтээлээр дамжуулан үзэгчидтэйгээ уулзахаар төлөвлөж байна.
Эх сурвалж: zms.mn
