С.УРТНАСАН

Bigbang хамтлагийн гишүүн Daseung сүүлийн хэдэн жилийн хугацаанд соло карьераа орхисон ч түүний хамгийн анхаарал татахуйц эргэн ирэлт нь G-Dragon-ийн чартыг тэргүүлж буй Home Sweet Home-д оролцсон явдал юм. Мөн Bigbang-ийн эргэн ирэлтийг хүлээж байх хооронд Daesung шинэ мини цомог болох "Universe" нэртэй дуугаараа эргэн ирлээ. Цомог түүний арван есөн жил энэ салбарт ажилласны дараа гаргасан анхны солонгос мини цомог байгаагаараа онцлогтой. “Universe” нь 2025 оны дөрөвдүгээр сарын 8-нд гарсан Daesung-ийн соло мини цомгийн “D’s WAVE” дууны гарчиг юм. Энэхүү дуу нь халуун дулаан, дурсахуй аялгууг хүчтэй рок дуутай хослуулж, илүү сайхан ертөнц рүү тэмүүлэх тухай сэтгэл хөдөлгөм мессежийг олон хүмүүст хүргэж байна. Тухайн дууны клип нь хайр дурлал, мөнх байдал, хязгааргүй боломжийн сэдвүүдийг илэрхийлсэн сансар огторгуйн дүрслэлийг агуулдаг. Ихэнх хүмүүс Daesung-ийн нэрийг сонсохдоо хамгийн түрүүнд төсөөлдөг үг "дуу хоолой" бөгөөд тэр энэхүү хүчирхэг хоолойгоор Universe-ийн Оркестр болон поп элементүүдтэй рок баллад төрлийн дуугаараа хүмүүсийн төсөөллийг бодит болгож чадсан юм. Дууны үгэнд хайртай эсвэл санасан хэн нэгэнтэйгээ эргэн нийлэхийн тулд өргөн уудам "орчлон" даяар гараа сунгаж буй хэн нэгний зургийг зурсан байдаг бөгөөд энэ нь магадгүй шүтэн бишрэгчид, хайртай хүн, тэр байтугай хамтлагийн найзуудаа бэлгэдсэн ч байж болох юм. Энэ нь бид хэчнээн хол байсан ч бид илүү том зүйлээр холбогдсон хэвээр байна гэсэн итгэл найдвар, тогтвортой байдлыг агуулдаг. Мөн шүүмжлэгчид Daesung-ийн “Universe” дууны тоглолтыг магтжээ. The Bias List нь К-поп салбарын шинэ хөгжмийн бүтээлүүдийн талаар өдөр бүр шүүмж, тайлбар өгдөг К-поп блог юм. Шүүмжлэгчид түүний "хүчирхэг хоолой" болон "сэтгэл хөдөлгөм рок дууг" онцолж, энэ нь "томоохон эхлэл" гэж тэмдэглэжээ.

Эх сурвалж:: zms.mn