Б.ТУУЛ
МУБИС-ийн 2022-2023 оны хичээлийн жилийн хаврын төгсөлт, диплом гардуулах үйл ажиллагаа, төгсөлтийн баяр өнөөдөр боллоо. МУБИС-ийн 2022-2023 оны хаврын улиралд бакалаврын зэргээр 945 оюутан, магистрын зэргээр 371 төгсөгч, докторын зэргээр 16 суралцагч тус тус төгсөж байгаа ажээ.
Дашрамд дурьдахад, Монгол Улсын гавьяат тамирчин, Дэлхийн аваргын хошой хүрэл медальт, Дэлхийн цомын аварга. Үндэсний шигшээ баг, “Алдар” спорт хорооны тамирчин ОУХМ Мөнхжанцангийн Анхцэцэг МУБИС-ийн Биеийн тамирын сургуулийг амжилттай дүүргэж байна.
Мөн “Зууны мэдээ” сонины шинэ залуу боловсон хүчин, сэтгүүлч Б.Нямсүрэн тус сургуулийн Нийгмийн ухааны сургуулийг “Сэтгүүлч” мэргэжлээр амжилттай дүүргэж, бакалаврын дипломоо өнөөдөр гардаж байна. Эрхэм төгсөгчдөдөө баяр хүргэж, эрдмийн их үйлсэд нь өндөр амжилтыг хүсье!
Эх сурвалж: www.zms.mn
