З.БАТЦЭЦЭГ
Туркийн Ерөнхийлөгчийн сонгуулийн хоёр дахь шатанд Р.Эрдоган 52 гаруй хувийн саналаар ялалт байгууллаа гэж Туркийн Сонгуулийн дээд комиссын тэргүүн Ахмет Йенер мэдэгдэв. Сонгуулийн эцсийн дүнг зургадугаар сарын 1-нээс зарлана.
"Ерөнхийлөгчийн сонгуулийг Турк улсад тохирсон нам гүм орчинд зохион байгуулсан манай улс, ард түмэнд баяр хүргэе. Урьдчилсан дүнгээр улиран сонгогдсон Р.Эрдоганд баяр хүргэж, манай улсад хуримтлагдсан асуудлыг шийдвэрлэхэд тань амжилт хүсье" гэж М.Инже твиттерт бичжээ.
"Одоо би бүх сөрөг хүчинд хандан бид ямар алдаа гаргаснаа бодохыг уриалж байна" гэж улстөрч хэлэв.
Мемлекет намын дарга Мухаррем Инже сонгууль болохоос гурав хоногийн өмнө нэр дэвшихээс татгалзаж байгаагаа зарласан. Эхний шатанд М.Инже 0.4% -иас илүү санал авсан - 234,000 гаруй сонгогч, тэр дундаа гадаадад байгаа сонгогчид түүнд санал өгсөн. Туркийн Сонгуулийн төв хороо М.Инжег сонгуульд оролцохоос татгалзсан ч түүнийг дэмжсэн саналыг хүчингүй болгохгүй гэж шийджээ.
М.Инже сонгуульд оролцохоос татгалзсаны дараа үлдсэн гурван нэр дэвшигчийн аль нэгийг нь сонгохыг дэмжигчдэдээ уриалаагүй. Хамгийн сүүлийн санал асуулгаар сонгогчдын 2-3 орчим хувь нь М.Инжегийн төлөө саналаа өгөхөд бэлэн байсан ч 4-р сарын эхээр хэд хэдэн санал асуулгаар энэ үзүүлэлт илүү өндөр буюу 8-9 хувьд хүрсэн байна.
2018 оны Ерөнхийлөгчийн сонгуульд М.Инже К.Кылычдароглу тэргүүтэй Бүгд Найрамдах Ардын Намаас нэр дэвшиж сонгогчдын 30 гаруй хувийн санал авсан ч 2021 онд М.Инже намаасаа гарч өөрийн намыг үүсгэн байгуулсан.
Эх сурвалж: www.polit.mn
