З.БАТЦЭЦЭГ
Даваа гарагт Берлин, Гамбург, Бремен, Ганновер хотын нисэх онгоцны буудлуудад анхааруулга өгсөн ажил хаялтаас болж 350 гаруй нислэг цуцлагдсан тухай агаарын боомтуудын цахим хуудсанд мэдээлжээ.
Берлиний нисэх онгоцны буудлын хэвлэлийн албаны мэдээлснээр даваа гарагт 200 гаруй нислэг цуцлагдаж, 27 мянга гаруй зорчигч хохирсон байна. Ганновер нисэх онгоцны буудлын вэбсайтад мягмар гарагийн 2:30 цаг хүртэл хуваарьт нислэгүүд цуцлагдсан байна.
Гамбург хотод ажил хаялтын улмаас бүх хуваарьт 123 нислэг цуцлагдсан бөгөөд нисэх онгоцны буудлын захиргаа мөн ирсэн 50 нислэгийг цуцалснаа мэдэгдэв. Бремен хотод ирэх болон буух 39 нислэгийг цуцалжээ.
Өмнө нь Вердигийн үйлдвэрчний эвлэл Берлиний нисэх онгоцны буудал, Гамбург, Ганновер, Бремен хотын нисэх онгоцны буудлуудад анхааруулах ажил хаялт зарлахыг аюулгүй байдлын ажилтнуудад уриалсан.
Үйлдвэрчний эвлэлийн мэдээлснээр, агаарын тээврийн аюулгүй байдлын ажилтнуудын тохиромжгүй цагаар ажиллах цалин хөлсний талаар хамтын гэрээ хэлэлцээр амжилт олоогүйгээс ажил хаях шалтгаан болсон байна.
