З.БАТЦЭЦЭГ

АНУ-ын Ерөнхийлөгч Жо Байден Аляскийн баруун хойд хэсэгт газрын тосны өрөмдлөгийн томоохон төслийг зогсоохоор төлөвлөж байна. Энэ тухай Associated Press (AP) агентлаг Цагаан ордны эх сурвалжаас иш татан мэдээлэв.

Америкийн удирдагч Аляска болон Хойд мөсөн далай дахь 16 сая акр (6.5 сая га) талбайд газрын тосны өрөмдлөг хийхээс урьдчилан сэргийлэх эсвэл хязгаарлах болно гэж тэмдэглэжээ.

Агентлагаас мэдээлснээр хоёр хэсгээс бүрдэх төлөвлөгөөг Цагаан ордон зарлана. Тиймээс эхний хэсэгт АНУ-ын тэргүүн Хойд мөсөн далайн 3 сая акр (1.2 сая га) талбайд өрөмдлөг хийхийг хориглож, холбооны бусад усыг газрын тосны хайгуулаас хаах бодолтой байна.

Агентлагтай ярилцагчийн хэлснээр, хоёрдугаар хэсгийн хүрээнд Цагаан ордон Аляскийн үндэсний нефтийн нөөц гэгддэг өргөн уудам нутагт 13 сая акр (5,3 сая га) талбайд үйл ажиллагаа явуулах шинэ дүрмийг боловсруулна.