Б.ДОЛЖИНЖАВ
Мельбурнд төвтэй Австралийн “Jade Gas Holdings” компани Монгол дахь нүүрсний давхаргын метан хийн төслийнхөө хээрийн судалгааг аравдугаар сарын 4-нд эхлүүлнэ гэж мэдэгдэж байв. Тус компанийн хувьцаа 0.03 доллараар өсч 7.5 сая австрали доллар болсны дараа Австралийн үнэт цаасны зах зээл дээр хувьцаагаа арилжаалж эхэлсэн юм. Австралийн хөрөнгийн зах зээлээс босгосон 7.5 сая австрали доллароо дээрх төслөө санхүүжүүлэхэд зарцуулах юм.
Одоогоор “Jade Gas” компани Тавантолгойн хайгуулын XXXIII талбай дахь бүтээгдэхүүн хуваах гэрээ (PSA) байгуулахын тулд Монголын Өмнөд Говийн нүүрсний метан хийн төсөлдөө анхаарлаа хандуулж байна.
Тус компани өөрийн компани болох “Methane Gas Resource” (MGR)-оор дамжуулан дээрх төслийг хэрэгжүүлэх юм. “Энэ төсөл нь тун удахгүй эхэлнэ. Үйл ажиллагаа эхлүүлэх талбайн бүх зөвшөөрлийг авсан” гэж MGR компани мэдэгдэв.
“Jade Gas” компанийн гүйцэтгэх захирал Жозеф Берк “Манай компанийн Монгол дахь төсөл нь дэлхийн нүүрсхүчлийн хийг бууруулах зорилттой уялдана.Бидний хамтрагч Эрдэнэс Метан ХХК нь Монгол Улсын Засгийн газрын төлөөлөл юм. Тиймээс бид хамтран нийслэл Улаанбаатар хот дахь агаарын бохирдлыг бууруулахад анхаарч, Монголыг цэвэр эрчим хүчээр хангахад тустай нүүрсний давхаргын метан хийн төслийг хэрэгжүүлэх асар том орон зайг олж харж байна” гэж ярьжээ.
“Jade Gas” компанийн хамтарсан үйлдвэрийн түнш Эрдэнэс Метан ХХК нь өнгөрсөн оны дөрөвдүгээр сард нүүрсний метан хийн төслийн бүтээгдэхүүн хуваах гэрээний гэрчилгээг авсан юм. Төсөл хэрэгжүүлэх зөвшөөрлийг Монголын Засгийн газар өнгөрсөн оны аравдугаар сард баталсны дараа бүтээгдэхүүн хуваах гэрээний эрх, үүргийг “Jade Gas” компанийн охин компани “Methane Gas Resource”-д бүрэн шилжүүлсэн байдаг.
Эх сурвалж:naturalgasworld.com
