Татвар төлөгч иргэн жилд нэг удаа амьдран суух зориулалтаар хувьдаа анх удаа байр авсан, бай­шин барьсан зардал болон оюутан хүүхдийнхээ сур­гал­тын төлбөрийн 10 ху­вийн хөнгөлөлтийг авдаг. Өн­гөр­сөн жил төлсөн тат­варын хөнгөлөлтийн ма­териалыг энэ сарын 10-наас ирэх сарын 15-ны хооронд харъяа дүүрэг нь хүлээн авах ажээ.

Сүхбаатар дүүргийн Татварын хэлт­сийн сургалт, сурталчил­гаа хариуцсан байцаагч Т.Ариунзаяа “Татварын хөнгөлөлт чөлөөлөлт авах иргэд тэр жилдээ ХАОАТ-т хэдэн төгрөг төлснөө авдаг. Тухайн иргэн өн­гөр­сөн онд 1.5 сая төгрө­гийн татвар төлсөн бол түүнийгээ авна. Харин үлдсэн мөнгөө дараа жил нь авах боломжтой” гэв.

Сүхбаатар дүүргийн иргэн Д.Хандсүрэн 2009 онд 53 сая төгрөгийн орон сууц худалдан авчээ. Тэрээр анх удаа авсан байрныхаа татварын хөнгөлөлтөд гурван сая төгрөг авчээ. 2010 онд түүний төлсөн татвар 830 мянган төгрөг байсан байна. Харин өнгөрсөн жил 980 мянган төгрөг авав. Тэрээр “Эхний жил нь нэлээд олон материал бүрдүүлж өгсөн. Харин дараа жил нь авахдаа цалингийн тодорхойлолт, татвар төлсөн баримтаа бүрдүүлсэн. Хөнгөлөлтийн мөнгө миний дансанд тавдугаар сарын сүүлээр орсон” гэлээ.

СУРГАЛТЫН ТӨЛБӨРИЙН ХӨНГӨЛӨЛТӨД БҮРДҮҮЛЭХ МАТЕРИАЛ:

1.Хөнгөлөлт эдлэх иргэний бичсэн хүсэлт

2.Эцэг /эх/-ийн болон хүүхдийн иргэний үнэм­лэхний хуулбар /эх хувь­тай нь тулгах эсвэл нота­риа­таар баталгаажсан байх/

3.ТТО.ТБДэвтэр: Ор­шин суугаа газрын татва­рын албанд бүртгүүлж авсан дэвтэрт олгосон орлого, суутгасан татварыг бичих

4.Нийгмийн даатга­лын дэвтрийн хуулбар /дэвтрийн нүүр, сүүлийн жилийн бичилт, тушаал­тай хэсгүүд эх хувьтай нь тулгах эсвэл нотариатаар баталгаажсан байх/

5.Ажлын газрын ба цалингийн тодорхойлолт: тухайн жилд цалин, нийг­мийн даатгалын шимтгэл, татвар төлж байсан талаарх баталгаажуулсан тодорхойлолт /12 сараар цалингийн задаргаа/

6.Сургалтын төлбөрт төлсөн төлбөрийн баримт /сургалтын төлбөр төлсөн хөрөнгө нь албан татвар төлсний дараах орлого гэдгийг нотлох баримт тайлбарын хамт/

7.Суралцаж буй оюут­ны сургуулийн тодорхой­лолт /гадаад сургалт нь албан ёсны орчуулгын товчоонд орчуулж баталгаажуулна/

8.Эх нь эдэлж байгаа бол хүүхдийн төрсний гэр­чилгээ болон гэрлэлтийн баталгааг нотариатаар батлуулсан байх

9.Үрчилж авсан бол нотлох баримт /нотариа­таар баталгаажсан байх/

10.Иргэний өөрийн нэр дээрх данс банкны нэр

11.Хувь хүний орло­гын албан татварын тайлан гаргах /Маягт ТТ-06/А/, Маягт ТТ-06/Б/-р тайлагнах/

АНХ УДАА ОРОН СУУЦ ХУДАЛДАН АВЧ БАЙГАА БОЛОН БАЙШИН БАРИВАЛ:

1.Чөлөөлөлт эдлэх иргэ­ний бичсэн хүсэлт

2.Иргэний үнэмлэх­ний хуулбар /Эх хувьтай тулгах эсвэл нотариатаар баталгаажсан/

3.ТТО.ТБДэвтэр: Ор­шин суугаа газрын татва­рын албанд бүртгүүлж ав­сан дэвтэрт олгосон орло­го, суутгасан татварыг бичих

4.Нийгмийн даатга­лын дэвтрийн хуулбар, дэвтрийн нүүр, сүүлийн жилийн бичилт, тушаал­тай хэсгүүд /Эх хувьтай тулгах эсвэл нотариатаар баталгаажсан/

5.Ажлын газрын ба цалингийн тодорхойлолт: тухайн жилд цалин, нийг­мийн даатгалын шимтгэл, татвар төлж байсан талаарх баталгаажуулсан тодорхойлолт /12 сараар цалингийн задаргаа/

6.Үл хөдлөх эд хөрөн­гийн өмлөх эрхийн улсын бүртгэлийн гэрчил­гээ бо­лон гэрчилгээний хуулбар

7.Захиалгын болон худалдах, худалдан авах гэрээ /нотариатаар батал­гаажсан байх/

8.Орон сууц худалдан авах, барихтай холбогдон гарсан орлогын эх үүсвэ­рийг нотлох баримтууд, байрны төлбөрт төлсөн баримт /өөрийн орлого/

9.Үл хөдлөх хөрөнгө борлуулсны хоёр хувь татвар төлсөн баримт

10.Зээлийн эх үүсвэ­рийн тухайд: зээл олгосон банк, санхүүгийн бай­гуул­лагатай байгуулсан гэрээ мөнгө шилжүүлсэн баримт /Зээлийн гэрээ нотариа­таар баталгаажсан байх/

11.Хөрөнгө үнэлгээ­ний зөвшөөрөлтэй байгуул­лагын үнэлсэн тайлан

12.Иргэний өөрийн нэр дээрх данс банкны нэр

13.Хувь хүний орло­гын албан татварын тай­лан гаргах /Маягт ТТ-06/А/, Маягт ТТ-06 тайлагнах/