Орон сууц, санхүүжил­тийн корпораци зургаан хувийн хүүтэй зээлд хам­рагдахыг хүссэн өргөдөл дахин 40-ийг нэмж авчээ. Өмнө нь шилжүүлсэн 3664 хүсэлтээс одоогийн байд­лаар 850 нь зээлээ ший­дүүл­сэн. Үлдэгдэл 2800 гаруй хүсэлт Төрийн бан­кинд гацчихсан байна. Энэ зээлийг шийдвэрлэе гэсэн ч санхүүжилт нь байхгүй. Хөгжлийн банк­наас 20 тэрбум төгрөгөө хэзээ шилжүүлэх нь то­дор­хойгүй. Өмнөх хүсэл­түүд нь шийдвэрлэгдээгүй байхад яагаад дахин өргө­дөл хүлээн аваад байгаа талаар тодруулахаар ОССК-ийг зорилоо. Хэв­лэлийн төлөөлөгч нь нэ­гэнт манай үүрэг учраас хүсэлт гаргасан хүний өргөдлийг хүлээн авч бай­на гэсэн хариултыг өгөв. Харин санхүүжилт, зээ­лийн гарцтай холбоотой асуудлыг Төрийн банк­наас лавла гэв. Сүржин нэрэндээ тохироогүй энэ хөтөлбөрийн уршгаар эд­гээр хүмүүсийн 20 орчим тэрбум төгрөг барилгын компаниудад түгжигдчи­хээд байгаа талаар бид өмнө нь мэдээлж байсан билээ. Гэвч өмнөх зээлээ шийдвэрлэж чадаагүй байж, дахин өргөдөл хү­лээн авч, мэдээлэл муутай иргэдийг төөрөгдүүлээд байгаа учир энэ асуудлыг үргэлжлүүлж байгаа нь энэ.

ТӨРИЙН БАНК ДАВАА ГАРИГТ ХААЛТТАЙ

Анхнаасаа эрсдэлээ өөрсдөө үүрч, зээл олгоно гэж хариуцлагатайгаар энэ албыг авсан Төрийн банкныхан өнөөдөр хэв­лэлийнх­нээс зугтдаг ажил­тай болжээ. Төрийн банкны 100 мянган айлын орон сууц хөтөлбөрийг хэрэгжүүлэх тусгайлсан салбарын захирал н.На­ран­дэлгэр төвөөс нь зөв­шөөрөл өгөөгүй тохиол­долд ямар ч мэдээлэл өгөх эрхгүй гэж ам таглав. Харин төв оффисийн ажилт­нууд нь даваа гаригт уулзалт хүлээж авдаггүй гээд ресепшн, харуул хоёр нь халгаах шинжгүй. Бүр цайны цаг дуустал хүлээе гэсэн ч найраа алга. Ин­гээд харамсалтай нь албан ёсны тоо баримт авч чад­сангүй. Гэвч өнөөх 850 гэсэн тоо нэмэгдээгүй гэдэгт итгэлтэй  байна.

Хөгжлийн банк 200 сая ам.долларын бонд гаргаж, тэр хүртэл нь санхүүжил­тийг нь Төрийн банк даах гэрээг анх байгуулсан. Гэвч Хөгжлийн банкны мөнгө талаар өнгөрч, Тө­рийн банк чадахгүй гээд гараа өргөөд бууж өгөв. Одоо тус банкныхан хү­сэлт авах үйл ажиллагааг зогсоочихсон байгаа. Зас­гийн газраас байгуулсан шинэ зөвлөл чиглэл өгтөл тодорхойгүй хугацаагаар энэ асуудлыг хойшлуул­сан гэж саяхан сонинд ярилцлага өгсөн байсан.

ХАЙРАН ХОЁР САЯ ТӨГРӨГӨӨ ӨГӨХӨӨС

Хариуцлагагүй энэ аж­лаас болж олон хүн барилгын компаниудад дарамтлуулж, өдөр хоно­гийг өнгөрөөж байна. Гэ­рээнийх нь хугацаа дуус­сан тохиолдолд төлсөн урьдчилгаанаас нь доод тал нь 10, тэгээд 20 хувийн алданги тооцож торгууль авна гэж барилгын ком­паниуд айлгаж байна. Тө­рийн банкны үүдэнд таар­сан иргэн Ц ингэж ярьсан юм. “Эгч нь нэг компа­ниас 77 сая төгрөгийн байр сонгосон. Урьдчилгаанд нь 23 сая төгрөг төлсөн. Гэтэл зээл гарахгүй таван сар болчихлоо. Барилга ашиглалтад орох болчих­сон тул мөнгөө төл гэж зал­гаад байгаа. Нэгэнт зээл гарахгүй бол алдан­гийг нь төлөөд хэдэн төг­рөгөө буцааж авдаг юм билүү. Хайран хоёр сая төгрөг” гэв. Зээл нь гац­чихсан 2814 хүний хувьд байдал яг л ийм байгаа. Хэдийгээр “100 мянган айлын орон сууц “хөтөл­бөрт нэр нь багтсан барил­гын компа­ниуд 10 хувийн урьдчилгаа авах заалттай ч үнэн хэрэг­тээ тийм биш. Доод тал нь 30 хувийг нь төлж байж гэрээ хийнэ. Өнөөдөр 10 хувийн урьд­чил­гаа төлөөд байр авъя гэвэл дөнгөж сууриа цут­гаж байгаа ба­рилга л олдох биз. Тэгэ­хээр бидний тоо­цоолсон 20 орчим тэрбум төгрөг улам нэмэгдэх нь гарцаагүй. Хөтөлбөрийн жаг­саалтад орсон хэд хэ­дэн барилгын менежер лүү утас цохиж үзлээ. “Ма­найх тэр хөтөл­бөрт чинь ороогүй ээ” гээд тасалчихаж байна.

Ин­гэхээр барилгын компа­ниуд хүртэл зургаан ху­вийн зээлийн хөтөл­бөрийг найдваргүй гэдгийг мэдэж байна. Ийм нөхцөл байдал үүсчихээд байхад яагаад дахин 40 хүний өргөдлийг нэмж авав. Хүү­гүй мөнгөөр байшин барьчихаад тэн­гэрт тултал үнэлдэг ком­паниудыг өөг­шүүлж, иргэ­дээ хуурч байгаа энэ үйлд­лийг луй­вар гэж нэрлэхээс өөр арга алга. Гэвч хүсэл­тээ өг­чих­сөн иргэд хүлээ­сээр бай­на. Хэд гурваараа Төрийн банкийг тойглож, тойрч эргэлд­сээр байна.

Хэрэв хэлсэн­дээ хүрч ча­дах­гүй гэвэл тэдний ком­паниудад ашиг­­луулж бай­гаа хүүгүй мөнгийг бүт­нээр нь буцаа­гаад өгөх ёс­той юм биш үү гэдгийг дахин хэлье. Ал­дан­гийг нь төр даана биз.