Энэ оны эхний хоёр сарын байдлаар ипотекийн зээлд тус бүр 16.6 тэрбум төгрөгийн санхүүжилт олгосон талаар Монголбанк мэдээллээ. Засгийн газраас энэ онд 120 тэрбум төгрөг, Монголбанкны зээлийн эргэн төлөлтөөс 180 тэрбум төгрөгөөр орон сууцны зээлийг санхүүжүүлэхээр төлөвлөсөн байна. Энэ онд нийт 300 тэрбум төгрөгөөр 4400 гаруй өрхийн хүсэлтийг шийдвэрлэхээр тооцоолсон аж. Гэр хорооллын дахин төлөвлөлтөд хамрагдсан болон хотоос зайдуу газарт баригдсан орон сууцнаас сонговол ипотекийн зээлийг долоон хувь, урьдчилгааг 25 хувь болгох саналыг Засгийн газар гаргасан. Үүнээс гадна барилгын компаниуд худалдан авагчтай тохиролцон “хувь лизинг”-ийн гэрээ байгуулж орон сууцаа борлуулах арга замыг эрэлхийлж байгаа юм.
Эх сурвалж: "Зууны мэдээ" сонин
