Б.БАРС
1875 оны нэгдүгээр сарын 4-нд Киев хотноо эртний грек, роман хэлний багшийн гэр бүлд түүхэн сэдэвт “Монголчуудын довтолгоон” гурамсан романаараа алдаршсан зохиолч Василий Ян (жинхэнэ овог нь Янчевецкий) төржээ. В.Ян 1939 онд бичсэн гурамсан романыхаа эхнийх болох “Чингис хаан” зохиолоороо 1942 онд ЗХУ-ын утга зохиолын хамгийн нэр хүнд бүхий И.Сталины нэрэмжит шагнал хүртсэн юм. 1942 онд тэрээр “Бат хаан”, 1951 онд “Сүн далай хүртэл” зохиолуудаа туурвин гурамсан бүтээлээ дуусгажээ.
Дэлхийн хоёрдугаар дайны ид үед түүний зохиолууд хойд хөршийн уншигчдын дунд жинхэнэ бестселлер болсон бөгөөд дайны дараа эрэлт хэрэгцээ нь бууралгүй харин ч улам өссөн байдаг. В.Яны гурамсан романыг ЗХУ-д 230 удаа 20 сая хувиар дахин дахин хэвлэсэн ажээ. Түүний хамгийн алдартай бүтээл болох “Чингис хаан” романыг гэхэд л дэлхийн 30 оронд 50 гаруй хэлээр хэвлэсэн юм.
1493
Испанийн далайчин Христофор Колумб Америкийг нээгээд гэрийн зүг хөлгийн жолоогоо залжээ. Гол хөлөг онгоц “Санта Мариа” нь ихээр гэмтсэн тул тэрээр Гаитигийн Эспанола арал дээр багийнхаа гишүүдийн заримыг үлдээн “Нинье” хэмээх жижигхэн хөлөг онгоцоор харих замдаа гарч, хэд хэдэн хүчтэй далайн шуургыг даван төрөлх Испанидаа эсэн мэнд хүрэлцэн иржээ.
1643
Дэлхийн таталцлын хуулийг нээсэн Английн эрдэмтэн Исаак Ньютон мэндэлжээ.
1932
Японы Квантуны арми Манжийг эзлэх ажиллагааныхаа явцад Хятадын цагаан хэрмийн зүүн үзүүрт хүрч ЗХУ-ын холбоотон БНМАУ-д заналхийлэх боломжтой болов.
1948
XVIII зуунд Зүүн өмнөд Азийн хамгийн хүчирхэг улс байсан Бирм дахин тусгаар тогтнолоо зарлажээ. 1989 онд Бирм улс нэрээ Мьянма гэж өөрчилсөн билээ.
2004
АНУ-ын “Спирит” өөрөө явагчийг тээсэн сансрын хөлөг Ангараг гариг дээр газарджээ. Зургаан дугуйтай өөрөө явагч 2009 оны тавдугаар сарын 1-нд элсэнд сууж ажиллагаагүй болтлоо дэлхий рүү тус гаригийн тухай маш чухал мэдээллүүдийг дамжуулсан юм.
2010
Арабын нэгдсэн эмират улсын Дубай хотноо дэлхийн хамгийн өндөр барилга “Бурж халифа” ашиглатанд оров. Тус барилга 162 давхар, 828 метр өндөр ажээ.
Эх сурвалж: “Зууны мэдээ” сонин
