Ж.АНУ
Хятадад мөнгөний нийлүүлэлт өнгөрсөн сард их хийгдсэнээс шинэ зээлийн хэмжээ ч өссөн байна. Ингэснээр өнгөрсөн сард зээл 792.9 тэрбум юань буюу 129 тэрбум ам.доллар болсныг тус улсын Төвбанкнаас мэдээлж байна. “Блүүмберг”-ийн судалгаагаар зээлийн хэмжээг 755 тэрбум “ногоон” болно хэмээн таамаглаж байсан юм.
Өөрөөр хэлбэл, мөнгөний нийлүүлэлт жилийн эхнээс 16.1 хувиар өссөн байна. Гэвч энэ нь санхүүгийн системд эсрдэл нэмж байгаа гэж эдийн засагчид үзэж байна. Тус улсын удирдагч Ши Жинпин хяналт тавьж ажиллаж байгаа юм. “Зээлийн хэмжээ эхний дөрвөн сард “өгссөн” нь гуравдугаар улиралд эдийн засгийг тэтгэнэ. Гэвч энэ хэрээр санхүүгийн эрсдэл ч нэмэгдэх юм” гэж Хонгконг дахь “Ситигрупп”-ийн ахлах эдийн засагч Динг Шуанг хэллээ. Өөрөөр хэлбэл, өнгөрсөн сарын нийт санхүүжилтэд хувьцаа, бондын арилжаа 1.75 их наяд юань болсон нь гуравдугаар сард 2.54 их наяд юаньд хүрсэнтэй харьцуулбал бага тоо юм. Уг нь эдийн засагчид энэ үзүүлэлтийг сайндаа 1.5 их наяд юаньд эргэлдэнэ хэмээн урьдчилан тооцоолж байсан билээ.
Энэ онд “Стандарт чартеред” компани Хятадын эдийн засгийн өсөлтийн таамаглалаа 8.3 хувиас 7.7 болгон бууруулсан байна.
“Хятадын эдийн засгийн өсөлтөд өөрчлөлтийн хэд хэдэн дохио бий болоод байна” гэж “Стандарт чартеред”-ийн шинжээчид тайландаа дурдсан байлаа. “Хятадын шинэ удирдлага санхүүгийн аливаа бэрхшээлээс сэргийлэх бэлэн байдалд ажиллаж байгаа” гэж Хонгконг дахь “Bank of America”-ийн эдийн засагчид үзэж байна. “Бээжинд мөнгөний нийлүүлэлт чөлөөтэй хэвээр байна” гэж Лондон дахь “Capital Economics”-ийн эдийн засагч Квинвэй Ванг хэллээ. Тэрээр өмнө нь Хятадын Төвбанкинд ажиллаж байсан юм.
