Нөөцийн махны чанар, савлалтын стандарт, үнийн талаар Үйлдвэр, хөдөө аж ахуйн яам, Мэргэжлийн хяналт, Онцгой байдлын ерөнхий газар, Хэрэглэгчийн эрх ашгийг хамгаалах нийгэмлэг, бэлтгэн нийлүүлэгч компаниудын төлөөлөл мэдээлэл хийлээ. Нөөцийн махны чанарт МХЕГ, ОБЕГ хяналт тавьж, салбарын яам үнийн тогтвортой байдлыг ханган, Хэрэглэгчийн эрх ашгийг хамгаалах нийгэмлэг бага орлоготой иргэдэд хүргэхийг зорьж ажиллаж байна гэдгээ онцоллоо. Харин нөөцийн махыг борлуулалтад гаргах компаниуд хүртээмжтэй, эрүүл ахуйн байдлыг хангах аж. Төлөөллүүдээс зарим зүйлийг тодрууллаа.

ҮХААЯ-ны Төрийн нарийн бичгийн дарга Х.Золжаргал: НӨӨЦИЙН МАХЫГ ДОЛДУГААР САР ХҮРТЭЛ ХУДАЛДАНА

-Энэ жил хэчнээн тонн нөөцийн мах худалдаанд гаргах вэ. Борлуулалтыг хэрхэн зохицуулсан бэ?

-Нөөцийн махыг нийслэлийн хэмжээнд 9200, Дархан-Уул аймагт 1000, Эрдэнэтэд 1016 тонныг бэлтгэсэн. Энэ сарын 1-нээс хойш нийт 62 тонныг худалдаад бай­на. Нийслэлд одоогоор нөөцийн махыг 238 цэгээр дамжуулж борлуулж бай­гаа. Борлуулах цэгийн тоог энэ сарын 15 гэхэд  350-д хүргэнэ гэдгээ мах ний­лүүлэгч компаниуд мэ­дэгд­сэн. Нөөцийн махыг 2-3 кг-аар жижиглэн савлаж ирэх долдугаар сарын 15-ныг хүртэл ху­дал­даалахаар төлөвлөсөн.

-Энэ жил нөөцийн махыг өнгөрсөн жилийн­хээс 2000 төгрөгөөр үнэ­тэй зарж байна. Уг нь энэ махыг амжиргааны төвшин доогуур иргэдэд хүргэхийг зорьж байгаа?

-Энэ жил малчид махаа үнэтэй нийлүүлс­нээс болж нөөцийн мах өнгөрсөн жилийнхээс үнэтэй байгаа. Бусад зах, хүнсний дэлгүүрүүдэд борлуулж байгаа махны ханшаас нөөцийн мах 30-40 хувиар хямд.  Нөөцийн 1 кг үхрийн мах-5950, ямааных-4850, хонины мах-5750 төгрөгөөр бор­луулж байна.

ХЭАХН-ийн дарга: С.Тойвгоо: ЧАНАРГҮЙ НӨӨЦИЙН МАХНЫ МЭДЭЭЛЛИЙГ ХЭН Ч ӨГЧ БОЛНО

-Хэрэглэгчдийг чанар­тай, хүртээмжтэй нөөцийн махаар хангахад танайх ямар хяналт тавьж байна вэ?

-Манай нийгэмлэг нөөцийн махыг бэлтгэх, хадгалах, тээвэрлэх, бор­луулах бүх явцад хөндлөн­гийн хяналт тавьж байна. Өнгөрсөн жилтэй харь­цуу­лахад нөөцийн мах бэлтгэл эерэг үзүүлэлттэй байна. Борлуулалтыг хянахаар зах, хүнсний дэлгүүрээр явж ажиглалт хийж байна. Нөөцийн мах тээвэрлэхэд бид компа­ниудтай хамтарч ажилласан.

-Нөөцийн мах борлуу­лах шатанд ченжүүдийн гараар орж туранхай, яс ихтэй болдог тал бий?

-Бидний зүгээс нөө­цийн мах борлуулахад яг зорьсон хүмүүст нь хүр­гэхийг илүү анхаарч бай­гаа. Дунд орлоготой, амь­жиргааны төвшин доогуур иргэдэд энэ махыг хүргэх асуудалд анхаарч байна. Үүнд мөн хороодын Засаг дарга нар гол үүрэг­тэй. Чанарыг бид хөнд­лөнгөөс байнга хянаж бай­на. Чанаргүй нөөцийн мах­н­ы талаарх мэдээл­лийг иргэдээс авна. Хаана туран­хай, их ястай, чанар­гүй нөөцийн мах борлуулж байгааг иргэд бэлтгэн ний­лүүлсэн компани, ма­най нийгэмлэгт мэдээл­лэх боломжтой.

“Жаст Агро” компанийн гүйцэтгэх захирал Ш.Батхишиг: НӨӨЦИЙН ГУЛУУЗЫГ ЗӨВХӨН АМРАЛТЫН ӨДРҮҮДЭЭР БОРЛУУЛНА

-Өнгөрсөн жил нөөцийн мах авах гэсэн иргэд урт дараалал үүсгэж байсан. Энэ жил ийм байдал гарахгүй гэх баталгаа байна уу?

-Нөөцийн махны ний­лүүлэлт энэ жил хангалт­тай байгаа боло­хоор өнгөр­сөн жилийнх шиг байдал үүсэхгүй. Борлуулах цэгүү­дийн тоог нэмсэн байгаа. Бусад захуудаас харьцангуй үнэ­тэй мах зардаг Бөм­бөгөр, Баян­зүрх, Мер­кури захын орчимд нөөцийн мах бор­луулах цэг ажиллуулах үүргийг салбарын яам­наас авч хэрэгжүүлээд байна. Эдгээр захын түрээслэгч, удирдлагууд зах дотор нөөцийн мах борлуулахыг зөвшөөрөө­гүй тул ойрхон цэг ажил­луулахаар болсон.

-Хүмүүс нөөцийн махыг гулуузаар авахыг хүсдэг. Үүнийг хэрхэн зохицуулсан бэ?

-Махаа гулуузаар авахыг хүссэн иргэдэд зориулж энэ долоо хоногоос эхэлж амрал­тын өдрүүдээр “Наран­туул-2”, “Хүчит шон­хор”, “Хар хорин” захуудаар хонь, ямааны гулууз, үхрийн өрөөл махыг 4400-5800 төг­рөгөөр худалдана.