Т.САЙХАН

Монголын либерал намын Ерөнхий нарийн бичгийн дарга Б.Амгаланбаатар Ардчилсан намд нэгдэх хүсэлтээ АН-ын ЕНБД-ын үүрэг гүйцэтгэгч Н.Ганибалд  /04.04/ хүлээлгэн өгчээ. Ингэснээр он гарснаас хойш Ардчилсан намд нэгдэх хүсэлтээ албан ёсоор хүргүүлж буй хоёр дахь нам болж байгаа юм.

Тодруулбал, ШИНЭ намын ээлжит бус IV дүгээр Их хурал /2025.03.30/ болж 1089 төлөөлөгчдийн 99.3 хувийн саналаар Ардчилсан намд нэгдэх шийдвэрийг баталсан юм.

Харин Монголын либерал нам 2025 оны дөрөвдүгээр сарын 02-ны өдөр намын ээлжит IX дүгээр их хурлаа хийж Ардчилсан намд нэгдэх улс төрийн шийдвэрийг гаргасан байна. Ирэх Даваа гарагт болох Ардчилсан намын 35 жилийн ойн Их хурлын үеэр ҮБХ-ны гишүүд ШИНЭ нам болон Монголын либерал намыг нэгтгэх хүсэлтийг хэлэлцэн шийдвэрлэнэ.

Эх сурвалж:www.polit.mn