П.Лхагважаргал 
Соёлын тэргүүний ажилтан, дуучин Б.Анарын хоёр дахь бие даасан “Анартай үдэш” тоглолт энэ сарын 9-нд Монгол бөхийн өргөөнд болно. Тэрээр анхны тоглолтоо хоёр жилийн өмнө “UB Pаlace”-ийн концертын их танхимд хийж байсан бөгөөд түүнээс хойш арав гаруй шинэ уран бүтээл хийжээ. Мөн энэ удаагийн тоглолт ч гэнэтийн бэлэгтэй байх аж. 
Энэхүү тоглолтоор зүүн монголчуудын ардын дууг орчин үеийн хөгжимтэй хослуулан, өөрчлөн найруулж үзэгчдийн хүртээл болгох юм. Мөн дуучин бүсгүй маань өөрийн барга түмнийхээ дууг дуулахаас гадна найрал баян хуур хөгжмийн аялгуугаар үзэгчдээ мялаана гэв. Үүгээр зогсохгүй анх удаа эмэгтэй уран бүтээлчтэй буюу дуучин Д.Осгонбаяртай хамтарсан бүтээлээр тоглолтоо нээх юм. Тоглолтод гавьяат жүжигчин С.Жавхлан, Н.Ариунболд, У.Далантай, С.Эрдэнэчимэг тэргүүтэй уран бүтээлчид ая дуугаа өргөх юм. Үргэлжлүүлэн энэ сарын 14-нээс Монгол орноо нар зөв тойрох юм.