Ч.БЯМБАХАЖИД
Хөдөлмөрийн аюулгүй байдал, эрүүл ахуйн тухай хууль дүрмийг хэрэгжүүлэх үйл ажиллагааг эрчимжүүлэх, ажлын байрны эрүүл, аюулгүй орчныг бүрдүүлэх үндсэн зорилготой Хөдөлмөрийн аюулгүй байдал, эрүүл ахуйн аяны нээлт өчигдөр боллоо. Энэ жилийн тухайд Олон улсын Хөдөлмөрийн байгууллагаас Хөдөлмөрийн аюулгүй байдал, эрүүл мэндийн хөгжил, “Хиймэл оюуны хэрэглээ ба цахимжилт” уриан дор Хөдөлмөрийн аюулгүй байдал эрүүл ахуйн аяныг улс орон даяар өрнүүлж байна.
14 дэх жилдээ зохион байгуулагдаж байгаа тус аян нэг сарын хугацаанд үргэлжлэх юм.
“Технологийн дэвшил, хөдөлмөрийн аюулгүй байдал, эрүүл ахуйг хууль эрхзүйд хэрхэн нийцүүлэх талаар хэлэлцэж байна”
Манай улсад 2024 онд үйлдвэрлэлийн осол, хурц хордлогод 809 хүн өртсөн нь өмнөх оноос хоёр дахин өссөн үзүүлэлт болж байна. Мөн үйлдвэрлэлийн осол, мэргэжлээс шалтгаалсан өвчний тохиолдол уул уурхайн салбарт өндөр байгаа бол, барилгын салбарт хүний амь нас эрсдсэн тоо их байна. Энэ нь ослын тохиолдол өссөн гэхээс илүүтэй бүртгэлийн систем сайжирсантай холбоотой ажээ. Иймд холбогдох байгууллагын зүгээс осол гарч байгаа шалтгаан, нөхцөлийг тогтоож, түүнээс урьдчилан сэргийлэх арга хэмжээг судалгааны түвшинд явуулах, салбарын хэмжээнд тогтолцооны шинэчлэлийг нэвтрүүлэн ажиллаж байгаа аж.
Аяны нээлтийн үеэр ХАБЭМТ-ийн дарга Д.Нарансүх “Мэдээлэл технологийн эрин болж буй өнөө үед аж үйлдвэрийн IV хувьсгал эхэлж байгаа. Тиймээс мэдээллийн технологийг ашиглан үйлдвэрлэл, ажлын байрны орчинд хэрхэн ажилтны аюулгүй байдлыг хамгаалах, технологийн хэдийн бий болсон дэвшил шийдлийг хөдөлмөрийн аюулгүй байдал, эрүүл ахуйг төрийн бодлого, хууль эрхзүйд хэрхэн нийцүүлэх талаар хэлэлцэж байна.
Үргэлжлэлийг zuuniimedee.mn сайтаас цахим сонин захиалан уншаарай.
Эх сурвалж: “Зууны мэдээ” сонин
2025 ОНЫ ДӨРӨВДҮГЭЭР САРЫН 3. ПҮРЭВ ГАРАГ. № 61 (7558)
