Р.Оюун
"Баримтад нэгд" хуурамч мэдээллийн эсрэг гишүүнчлэлийн хөтөлбөрийн нээлт боллоо. Баримт шалгах үйл ажиллагааг яагаад дэмжих ёстой вэ. Яагаад гэвэл цахим орчинд хуурамч, ташаа мэдээллийг зохион байгуулалттайгаар хандалт өндөртэй түгээж, олон нийтийг төөрөгдүүлсээр байна. Энэ нь тухайн мэдээлэлд итгүүлэхээсээ илүүтэй төр, засаг, эрүүл мэнд, боловсрол, үйлчилгээний болон бизнесийн байгууллагад цаашлаад хүн хүндээ итгэх итгэлгүй болгож байна. Тиймээс хуурамч мэдээллийг баримтаар шалгаж, эх сурвалжаар баталгаажуулан, түгээж буй шалтгааныг тайлбарлан хүргэх нь мэдээллээр урхидаж олон нийтийн санаа бодлыг удирдах гэсэн санаархлыг сааруулах чухал ач холбогдолтой юм. Бодит, чанартай мэдээлэл авсан иргэн оновчтой, зөв шийдвэр гаргаж, урт хугацаандаа амьдралын чанарыг дээшлүүлэн, нийгмийн сайн сайхныг дэлгэрүүлэх эрхэм зорилгод нэгдэх боломж танд нээлттэй боллоо.
Сэтгүүл зүйн инновац, хөгжлийн үүр төв НҮТББ нь хэвлэл мэдээллийн салбарт тогтвортой бизнес загвар нутагшуулах замаар хараат бус, мэргэжлийн ёс зүйтэй, чадварлаг редакцуудыг чадавхжуулж, олон нийтийн мэдэх эрхийг хангах зорилготой 2020 оны тавдугаар сарын 6-нд албан ёсоор байгуулагджээ. Олон нийтийн чанартай, бодит мэдээлэл авах эрхийг хамгаалх үүднээс дэргэдээ Монголын баримт шалгах төвийг редакцын зохион байгуулалттайгаар байгуулж, тогтмол үйл ажиллагааг хангаж иржээ.
Хуурамч мэдээллийн хор нөлөө, түүнээс сэргийлэх, олон нийтийн мэдээллийн боловсролд хувь нэмэр оруулахад чиглэсэн шийдлүүдийн талаар хэлэлцлээ. Хэлэлцүүлэгт зүүн гараас Child.mn үүсгэн байгуулагч А.Уянга, Монголын банкны холбоо, Мэдээллийн аюулгүй байдлын мэргэжлийн зөвлөлийн дарга Б.Болдбаяр.
Зүүн гараас контент бүтээгч Г.Ану, "Сүү" ХК, Маркетинг борлуулалт хариуцсан дэд захирал Г.Пэлжидмаа, "Ноорог" медиа, үүсгэн байгуулагч, гүйцэтгэх захирал О.Уламсайхан нар оролцлоо.
Эх сурвалж www.zms.mn
