Б.Нандин
Даваа гарагийн өглөө X платформ АНУ болон Их Британийн зарим бүсэд гацаж, олон мянган хэрэглэгч нэвтрэх боломжгүй болсон асуудал үүссэн. АНУ-д олон мянган хэрэглэгч аккаунт руугаа нэвтэрч чадахгүй нөхцөл үүссэн бол Их Британийн 8000 гаруй хэрэглэгчид энэ гацалт нөлөөлжээ.
Дээрх доголдлын талаар тус платформын гол хувьцаа эзэмшигч Илон Маск “Украины зүгээс кибер халдлага үйлдэхийг завдсанаас болсон” гэж мэдэгдлээ. Тэрээр 2022 онд Twitter-ийг 44 тэрбум ам.доллараар худалдаж худалдан авсныхаа дараа нэрийг нь X болгон өөрчилсөн билээ.
Тэрээр “Fox Business” сувагт өгсөн ярилцлагадаа "Бид өдөр бүр халдлагад өртдөг. Гэхдээ энэ удаагийнх маш том, нөөц ихтэй төлөвлөгөөт халдлага байсан. Украины нутаг дэвсгэрээс гаралтай хаягнаас X системийг устгах асар том кибер халдлага болсон" гэж мэдэгджээ. Энэ талаар мөн вэб үйлчилгээний холболтыг хянадаг Netblocks компанийн захирал Альп Токер "Дээрх гацалт нь кодчлолын алдаа гэхээсээ илүү халдлагын үед гардаг тохиолдолтой давхцаж байна” хэмээн BBC-д ярьжээ. Түүний хэлснээр зургаан цаг гаруй үргэлжилсэн хэд хэдэн томоохон тасалдал нь дэлхийн хэмжээнд нөлөөлөхүйц байсныг дурджээ.
