Хүний эрхийн Үндэсний Комисс нь Монгол Улс дахь хүний эрх, эрх чөлөөний байдлын талаарх 24 дэх илтгэлдээ “2024 оны сонгуулийн үйл ажиллагаа: Сонгох, сонгогдох эрхийн хэрэгжилт” сэдвийг тусгахаар төлөвлөсөн.

Энэ хүрээнд Их Британи Умард Ирландын Нэгдсэн Хаант Улсын ЭСЯ-ны дэмжлэгтэйгээр сонгуулийн үйл ажиллагаатай холбоотой хийсэн судалгааны ажлын үр дүнг төрийн болон төрийн бус байгууллагын төлөөлөлд 2025 оны хоёрдугаар сарын 21-ний өдөр танилцуулж, хэлэлцүүлэг өрнүүлэв.

Судалгааны үр дүнгийн талаар оролцогч талууд өөрсдийн байр сууриа илэрхийлэхийн зэрэгцээ 2024 оны сонгуулийн үйл ажиллагаа, хяналт, гомдол мэдээлэл шийдвэрлэхтэй холбоотой хүндрэл бэрхшээл, гарсан ахиц, үр дүнгийн талаар харилцан санал мэдээлэл солилцлоо.

Эх сурвалж:www.polit.mn