Б.ЖАВХЛАН

Засгийн газрын 2025 оны хоёрдугаар сарын 12-ны өдрийн хуралдаанаар хөдөө аж ахуйн салбарын Улсын аварга малчин, Улсын хошой аварга малчин, Улсын аварга саальчин, Улсын аварга фермер, Улсын аварга тариаланч, Улсын аварга тариаланч хамт олныг шалгарууллаа.

Өнгөрсөн оны ажил үйлсээрээ малчин түмнээ манлайлж 'Улсын аварга малчин''-аар Увс аймгийн Сагил сумын Өндөр мод багийн малчин Сүрэнжавын Батнасан, Увс аймгийн Баруунтуруун сумын Баян-Айраг багийн малчин Норовын Цэрмаа, Увс аймгийн Наранбулаг сумын Алдар багийн малчин Дэвээгийн Даваасамбуу, Увс аймгийн Тэс сумын Нуур багийн малчин Чойжилын Ням-Оргил, Увс аймгийн Хяргас сумын Хайрхан багийн малчин Дамиасүрэнгийн Баярсайхан, Увс аймгийн Тариалан сумын Бургастай багийн малчин Салбаагийн Ядамцоо, Увс аймгийн Өндөрхангай сумын Цалуу багийн малчин Чулуунбаатарын Галтбаатар, Увс аймгийн Завхан сумын Хармагт багийн малчин Баасайн Аюурзана, Увс аймгийн Бөхмөрөн сумын Хар алтат багийн малчин Цэвэгжавын Цэндсүрэн, Увс аймгийн Зүүнхангай сумын Жаргалант багийн малчин Доржбалын Даваасамбуу нар шалгарчээ. Улсын аварга малчид мал сүргээ өсгөж үржүүлэхээс гадна нутгийнхаа малчдыг малжуулж нийгмийн ажилд идэвхтэй оролцдог байна.  

Эх сурвалж: www.zms.mn