Б.ЖАВХЛАН

Засгийн газрын 2025 оны хоёрдугаар сарын 12-ны өдрийн хуралдаанаар хөдөө аж ахуйн салбарын Улсын аварга малчин, Улсын хошой аварга малчин, Улсын аварга саальчин, Улсын аварга фермер, Улсын аварга тариаланч, Улсын аварга тариаланч хамт олныг шалгарууллаа.

Өнгөрсөн оны ажил үйлсээрээ малчин түмнээ манлайлж 'Улсын аварга малчин''-аар Сэлэнгэ аймгийн Түшиг сумын Жаргалмандах багийн малчин Зоригтын Атар, Сэлэнгэ аймгийн Орхон сумын Бэлэндалай багийн малчин Гарвуугийн Мөнхтөмөр, Сэлэнгэ аймгийн Баруунбүрэн сумын Бургалтай багийн малчин Басангийн Самбуу, Сэлэнгэ аймгийн Зүүнбүрэн сумын Бэлчир багийн малчин Моголдойн Эрдэнэтогтох, Сэлэнгэ аймгийн Орхонтуул сумын Хонгор-Овоо багийн малчин Цэдэвийн Нямаа нар шалгарчээ. Улсын аварга малчид мал сүргээ өсгөж үржүүлэхээс гадна нутгийнхаа малчдыг малжуулж нийгмийн ажилд идэвхтэй оролцдог байна.  

Эх сурвалж: www.zms.mn