Б.Нямсүрэн

ОУХМ Б.Ганхайч Парисын их дуулга тэмцээний 63 кг-ын жинд хүрэл медаль хүртлээ. Хүрэл медалийн төлөө барилдахдаа Японы Kirari YAMAGUCHI-ийг нэмэлт цагт торгуулиар ялсан. Түүний хувьд “С” хэсгийн нэгдүгээр тойргийн барилдаанд Узбекистаны Sevinch ISOKOVA-тай учраа таарсан.  Харин хоёрдугаар тойргийн барилдаанд Чехийн Renata ZACHOVA-г нэмэлт цагийн барилдаанд гурван торгуулиар хожсон билээ. Ингээд гуравдугаар тойргийн барилдаанаа Косовогийн Laura FAZLIU-тай хийж ялалт авч,  наймт үлдсэн.  “С” хэсгийн аваргын төлөө Нидерландын Joanne VAN LIESHOUT-той барилдаж ялагдсан юм.  Дагах тойргийн барилдаанд Кубын Maylin DEL TORO CARVAJAL-тай үндсэн цагт үнэлгээ авалгүй цаг сунгаж барилдаад ялалт байгуулсан.

Эх сурвалж: www.zms.mn