ИХ-ын гишүүн, АБГББХ-ны дарга Б.Энх-Амгалан өөрийн төрөлх сургууль Лодойдамбын нэрэмжит Хоёрдугаар дунд сургуулийнхаа лингафоны танхимд 53,4 сая төгрөгийн өртөг бүхий иж бүрдэл, хэлний сургалтын тоног төхөөрөмжийг хүлээлгэн өглөө.

Боловсрол, Шинжлэх ухааны сайдын багцаас шийдэгдсэн уг хөрөнгө оруулалт нь алс баруун хязгаарын сурагч хүүхдүүдэд хэлний мэдлэгээ дээшлүүлж, мэргэжил сонголтоо зөв хийхэд нь чухал түлхэц болох юмаа.

Боловсрол шинжлэх ухааны яамнаас Алтай хотын 2-р дунд сургуулийг олон улсын төсөл хөтөлбөр хэрэгжүүлэх баруун бүсийн сургууль хэмээн зарласан юм.

Тэгвэл өнөөдөр ОХУ-ын ШУСТ (Русский Дом)-өөс сургуулийн орос хэлний танхимд нь ном сурах бичиг хандивласныг мөн гардууллаа.