Д.АРИУН
ОХУ-ын Тува улсын Тожинский дүүрэгт хоёрдугаар сарын 25-нд уламжлалт цаа бугын баяр болсон байна. "Цаа бугын баяр-2023"-т тогтсон уламжлалын дагуу Оросын бүс нутгийн төлөөлөгчдөөс гадна Монгол Улсын цаатангуудын төлөөлөл оролцсон талаар www.tuvaonline.ru мэдээлжээ.
Баярын уламжлалт хөтөлбөрийн дагуу цаа бугын 300 метрийн уралдаан нь үзэгчдийн хамгийн сонирхол татсан арга хэмжээ байдаг төдийгүй, тува залуу хосын хурим, нутгийн ардын урлагийн тоглолт, буга болон цаа буганы шилдэг хэрэгсэл шалгаруулах бугын хувцасны үзүүлбэрийн тэмцээн, цаа буга унах, ан агнуурын цанаар гулгах уралдаан, цаа бугачдын дунд хурдны эмээл, буга ачих буухиа тэмцээн зэрэг олон сонирхолтой хөтөлбөртэй байдгаараа онцлогтой.
Цаа бугачдын баяр нь хоёр жилд нэг удаа болдог Тожа тувачуудын хувьд чухал арга хэмжээний нэг юм. Энэ баярын үеэр Тувагийн уугуул иргэдийн уламжлалт амьдралын хэв маягийн сонирхох боломжтой байдаг аж.
Гэрэл зургийг Актуально в Туве телеграмм сувгаас
Эх сурвалж: Цахим “Зууны мэдээ” zms.mn
