Б.ОД
Улаанбаатар хотын хэмжээнд өнгөрсөн жилүүдэд хэчнээн хэмжээний шахмал түлш хэрэглэсэн тооцоолол болон утаа буурахгүй байгаа талаар БОАЖ-ын сайд Б.Бат-Эрдэнэ мэдээлэл өгөв.
2020 онд 350 мянган тонн сайжруулсан шахмал түлш нийлүүлж, улсын төсөвт 77 тэрбум суулгажээ. Өөрөөр хэлбэл тухайн онд Улаанбаатарын иргэд 350 мянган тонн нүүрсээр өвөлжсөн байна.2021 онд 557 мянган тонн, 2022 онд 515 мянган тонн сайжруулсан шахмал түлш хэрэглэжээ
Энэ талаар БОАЖ-ын сайд Б.Бат-Эрдэнэ "Нийслэлд 2023 онд 690 мянган тонн сайжруулсан шахмал түлш хэрэглэх тооцоолол гарсан нь 2020 оныхтой харьцуулахад 340 мянган тонноор их болж байна. Энэ нь агаарын бохирдолд нөлөөлж байна.Цар тахлын үед буюу 2020, 2021 онд автомашины болон бүх нийтийн хөл хорио тогтоож байсан. Автомашины агаарын бохирдолд үзүүлж байгаа нөлөөллийг 30 хувь гэж тооцсон.Улаанбаатар хотод явж байгаа 700 орчим мянган машины 88 хувь нь 10-аас дээш жилийн насжилттай. Шахмал түлшний баруун, зүүн хоёр үйлдвэр бүрэн хүчин чадлаараа ажиллахад өдөрт 3000 тонн шахмал түлш үйлдвэрлэнэ. Энэ хоёр үйлдвэрт техник, технологийн ямар ч шинэчлэл хийгээгүй. Түлшийг яг хуучнаараа үйлдвэрлэж байгаа. Утаа буурахгүй байгаа нь түлшиндээ байна уу гэдгийг тогтоохоор Ажлын хэсэг хоёр үйлдвэрт өглөө, өдөр, орой гурван удаа миддлингийн шалгалт хийж байгаа. Түлшний хувьд стандартын дагуу үйлдвэрлэж байгааг мэргэжлийн хяналтын байгууллагаас мэдэгдсэн" гэв.
Эх сурвалж:www.polit.mn
