Т.САЙХАН
УИХ-ын чуулганы хуралдаанаар Үндсэн хуульд нэмэлт, өөрчлөлт оруулах төслийг гуравдугаар хэлэлцүүлгийг хийж эхэллээ. АН-ын зүгээс Зөвшилцлийн ажлын хэсэгт гурван санал хүргүүлсэн бөгөөд үүнийг нэг нь 2024 оны сонгуулиас эхлэн УИХ-ын сонгуулийг холимог тогтолцоогоор явуулах байв. Гэсэн ч УИХ-ын чуулганаар энэ асуудлаар санал хураахад гишүүдийн олонхи дэмжсэнгүй. Энэ асуудлаар гишүүд байр сууриа илэрхийллээ.
УИХ-ын гишүүн Ж.Бат-Эрдэнэ: -Ерөнхий сайдын эрх мэдлийг чангатгах, хүчтэй ерөнхий сайдын эрх мэдлийг сайжруулах асуудлыг оруулж ирсэн. Бид өмнө нь хэлэлцүүлэг дээр оруулж ирсэн ч олонхын дэмжлэг авч чадаагүй. Өнөөдрийн Монгол Улсын хямралтай байдал хууль гэхээс илүү хүнээсээ шалтгаалж байна. Бид өнөөдөр Үндсэн хууль дагалдах хууль зэрэг хуулийн шинэчлэлүүд хийгээд явна. Хууль бол хариуцлага. Тодорхой хэмжээнд Засгийн газар, УИХ, холбогдох алба төрийг хэрхэн авч явах вэ гэдгийг тодотгохын тулд хариуцлагатай, ёс зүйтэй, хуулиа дагасан, төрийн байгууллагын удирдах албан тушаалтан. Хүн, хүнтэй холбоотой ёс зүй болон хариуцлагын асуудлыг бид яаж сайжруулах вэ. УИХ-ын хариуцлагатай холбоотой асуудал бол ард иргэдийн хяналтаас шалтгаална. Холимог тогтолцоонд шилжих хараахан болоогүй л гэж бодож байна.
УИХ-ын гишүүн Ц.Даваасүрэн:-Бид ард түмний сонгох эрхэд халдаж байна. Ерөнхийлөгч хориг тавьж болно. Гэтэл шинэ саналууд орж ирээд хэлэлцэгдээд байгаа нь хууль зөрчиж байна. Хэлэлцэгдэх асуудлууд аль нэг намын ашиг сонирхлыг илэрхийлсэн байж болохгүй гэж байгаа.
УИХ-ын гишүүн С.Бямбацогт: 2012 онд нам дугуйлдаг холимог тогтолцоо орж ирсэн. Харин энэ удаагийн холимог тогтолцоогоор улс нэг тойрог болно. Намын жагсаалтаас хүнийг нь дугуйлдаг тогтолцоо. Намын нэрийн ард болохгүй хүмүүс орж ирэх гээд байна гэж айх зүйл байхгүй.
Эх сурвалж:www.polit.mn
