П.Лхагважаргал
Волейболын үндэсний дээд лигийн 2024-2025 оны аварга шалгаруулах алтан медалийн төлөөх цуврал тоглолт өчигдөр өндөрлөж, “Хасу Мегастарс” клуб ялалт байгууллаа. Ийнхүү тэд дээд лигийн хоёр алт, хоёр мөнгө, нэг хүрэл медалийн эзэд болж, Монголын волейболын нэгэн шинэ түүхийг бичиж байна. Туршлага, ур чадвар, эв нэгдлийн илэрхийлэл болж аварга хүртсэн тус багийн хэн нь лигийн “үнэ цэн”-тэй тоглогч болох вэ гэдэг сонирхолтой. Хурд хүч, тэсрэлттэй үсрэлт, хаалт, довтолгооны ур чадвар, уран тоглолтоороо гайхагдсан С.Нямсүх үү,  хэн байх вэ? Харин анхны дээд лигтээ орж, мөнгөн медаль хүртээд буй “Төв Миг” клубийн хамтрал, гар нийлсэн тоглолт волейбол сонирхогчдыг гайхшируулж байна.  
Эх сурвалж:zms.mn